माजी मंत्री धनंजय मुंडे यांनी दिवाळीच्या शुभमुहूर्तावर नागरिकांना अनोख्या अंदाजात शुभेच्छा दिल्या आहेत. त्यांनी सोशल मीडियावर जिममधील एक खास फोटो शेअर केला असून, या फोटोत ते बॉडीबिल्डिंगची पोज देताना दिसत आहेत. फोटोत त्यांनी बायसेफ दाखवला असून, त्यांचा फिटनेस लूक सध्या चर्चेत आहे.
आरोग्य हीच खरी धनसंपत्ती
आरोग्य हेच धन, असा संदेश देत मुंडे यांनी आरोग्य आणि फिटनेसचे महत्त्व अधोरेखित केले आहे. ही धनत्रयोदशी उत्तम आरोग्याच्या संकल्पासह साजरी करूया, असे त्यांनी या पोस्टमधून सांगितले. केवळ संपत्तीच नव्हे, तर उत्तम आरोग्य हीच खरी धनसंपत्ती असल्याचे सांगत त्यांनी नागरिकांना आरोग्य आणि फिटनेसला प्राधान्य देण्याचे आवाहन केले आहे.
दिवाळीच्या शुभेच्छांसोबतच आरोग्याचा संदेश देणारी ही पोस्ट लक्षवेधी ठरली आहे. राजकीय आणि सामाजिक घडामोडींमध्ये सक्रिय असणाऱ्या मुंडे यांचा हा जिममधील अंदाज सध्या चर्चेचा विषय ठरत आहे. मुंडे हे सोशल मीडियावर जिममधील फोटो किंवा व्हिडीओ नेहमीच शेअर करत असतात.
स्रोत: मूळ बातमी
Leave a Reply