पालखेड मिरची (ता. निफाड) गावातील विविध विकासकामांसाठी आदिवासी शक्ती सेनेने पालखेड ग्रामपंचायतीला निवेदन दिले. राघोजी भांगरे स्मारक उभारा, वेशीतील व इंदिरानगर येथे रस्त्याचे काँक्रिटीकरण करा, चिकन मार्केट उभारा, इंदिरानगरमध्ये मुबलक पाणीपुरवठा करा आदी मागण्या निवेदनात करण्यात आल्या आहेत. मागण्यांबाबत सकारात्मक पावले न उचलल्यास उपोषणाचा इशारा देण्यात आला आहे. आदिवासी शक्ती सेनेचे निफाड तालुका युवाध्यक्ष आकाश कराटे यांच्या नेतृत्वाखाली निवेदन देण्यात आले.
## निवेदनातील प्रमुख मागण्या
निवेदनात छत्रपती शिवाजी महाराज स्मारक, खंडेराव मंदिर संरक्षण भिंत, पेव्हर ब्लॉक, रानवड रस्त्यावर सभामंडप, उद्यान उभारणे, पाणीपुरवठा योजना कार्यान्वित करणे, शौचालय बांधणे, इंदिरानगर व मातंगवाडा येथे जलकुंभ उभारणे, विद्यार्थ्यांसाठी अभ्यासिका उभारणे आदी विषयांची तत्काळ पूर्तता करण्याची मागणी करण्यात आली आहे. ग्रामविकास अधिकारी तानाजी कुशारे यांना हे निवेदन देण्यात आले. मागण्यांबाबत विचार न केल्यास तीव्र उपोषणाचा इशारा देण्यात आला.
## निवेदन देताना कार्यकर्ते उपस्थित
निवेदन देताना समाधान कोकाटे, गोरख बेंडकुळे, नवनाथ कराटे, मंदाबाई चारोस्कर, मंदाबाई धामोडे, शीला गांगुर्डे, रेखा कोकाटे, शीतल कोकाटे, योगिता कोकाटे, मनीषा कोकाटे, पूजा गायकवाड, सुनीता कोकाटे, कांचन चारोस्कर, मनीषा चारोस्कर, मुक्ता कडाळे, संगीता कडाळे, संगीता शिंदे, गायत्री कराटे, सुरेखा कराटे, भारती कोकाटे, कमल शिंदे, कमल भोई, विमल शिंदे, चित्रा कराटे, पुंजाबाई शिंदे आदी उपस्थित होते.
स्रोत: मूळ बातमी
Leave a Reply