राज्यात हवामान पुन्हा बदलाच्या वाटेवर आहे. भारतीय हवामान विभागाने दिलेल्या ताज्या अंदाजानुसार पुढील काही दिवसांत राज्यभर तापमानात घट होईल आणि थंडी वाढेल. त्याचबरोबर काही भागांत पावसाची शक्यता वर्तवण्यात आली आहे. आज, रविवार २२ नोव्हेंबर रोजी राज्यात हवामानात चढउतार पाहायला मिळणार आहेत.
विदर्भात पावसाचा इशारा; मराठवाड्यात ढगाळ वातावरण
विदर्भातील काही भागांत तुरळक पाऊस पडण्याची शक्यता आहे. विदर्भातील काही जिल्ह्यांसाठी पावसाचा अलर्ट जारी करण्यात आला आहे. मराठवाड्यात ढगाळ वातावरण राहण्याची शक्यता आहे. नोव्हेंबर महिन्यातही काही भागांत पाऊस होताना दिसत आहे. बंगालच्या उपसागरातील चक्रीवादळ निवळले असले, तरी त्याच्या प्रभावामुळे विदर्भात पाऊस पडू शकतो. हवामानात सातत्याने बदल होत आहेत.
निफाडमध्ये पारा आठ अंशांवर
राज्यात गुलाबी थंडी जाणवू लागली आहे आणि हुडहुडी वाढली आहे. राज्यातील नीचांकी तापमानाची नोंद निफाड येथे झाली असून तिथे आठ अंश सेल्सिअस तापमान नोंदवले गेले. नाशिक येथे दहा अंश सेल्सिअस तापमानाची नोंद झाली. यंदा राज्यात दुष्काळ जाहीर करण्यात आला असून समाधानकारक पाऊस झाला नाही. त्यातच नोव्हेंबरमध्ये काही भागांत पाऊस होत आहे. हवामान विभागाच्या अंदाजानुसार राज्यात पुढील काही दिवसांत हवामानात मोठे बदल पाहायला मिळतील आणि तापमानात मोठी घट होईल.
Leave a Reply