रविवार, २२ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

भुजबळ-कोल्हे भेट: दोन्ही राष्ट्रवादी एकत्र येणार?

जुन्नरच्या ओतूर येथील अधिवेशनात अमोल कोल्हे आणि छगन भुजबळ यांची भेट झाली. दोन्ही राष्ट्रवादीच्या विलिनीकरणावर दोन्ही नेत्यांनी काय स्पष्ट केले, वाचा सविस्तर.

भुजबळ-कोल्हे भेट: दोन्ही राष्ट्रवादी एकत्र येणार?

जुन्नर तालुक्यातील ओतूर येथे सत्यशोधक समाजाच्या राज्यव्यापी अधिवेशनाचे आयोजन करण्यात आले आहे. या अधिवेशनासाठी अनेक राजकीय नेते उपस्थित राहिले. यावेळी खासदार अमोल कोल्हे आणि मंत्री छगन भुजबळ यांच्या भेटीची चर्चा रंगली आहे. राष्ट्रवादीच्या दोन्ही गटांच्या विलिनीकरणाच्या चर्चेदरम्यान झालेल्या या भेटीने राजकीय चर्चांना उधाण आले.

एकाच मंचावर दोन्ही गटांचे नेते

या अधिवेशनाला राष्ट्रवादी अजित पवार गटाचे नेते, मंत्री छगन भुजबळ, दिलीप वळसे पाटील तसेच राष्ट्रवादी शरद पवार गटाचे खासदार अमोल कोल्हे उपस्थित होते. अमोल कोल्हे व छगन भुजबळ यांच्यामध्ये झालेल्या संवादाची चर्चा रंगली आहे.

विलिनीकरणावर चर्चा झाली नाही – भुजबळ

अधिवेशनानंतर छगन भुजबळ यांनी माध्यमांशी संवाद साधला. यावेळी त्यांनी अमोल कोल्हे यांच्याशी झालेल्या भेटीबद्दल सांगितले. भुजबळ म्हणाले की, अमोल कोल्हेही या कार्यक्रमासाठी आले होते, त्यांच्याशी बोलणे झाले. मात्र आजच्या कार्यक्रमाबाबतच चर्चा झाली. तसेच अमोल कोल्हे यांच्या मालिकांबाबत चर्चा झाली. सध्या दोन्ही राष्ट्रवादीच्या विलिनीकरणाची चर्चा होत असताना या दोन नेत्यांच्या भेटीने चर्चांना उधाण आले होते. राष्ट्रवादीच्या विलिनीकरणाबद्दल चर्चा झाल्याची शक्यता असल्याबद्दल विचारले असता भुजबळ म्हणाले की, राष्ट्रवादी विलिनीकरणावर कोणतीही चर्चा झाली नाही. सध्यातरी विलिनीकरण होईल असे वाटत नाही, असे महत्त्वाचे विधानही छगन भुजबळ यांनी यावेळी केले.

कोल्हे यांचे स्पष्टीकरण आणि रोहित पवारांवरील चर्चा

त्याचबरोबर खासदार अमोल कोल्हे यांनीही अधिवेशनानंतर माध्यमांशी संवाद साधला. अमोल कोल्हे म्हणाले की, अजित पवार होते तेव्हा चर्चाच झाली नाही असे काही लोक म्हणत होते, मात्र आता ते अचानक चर्चा झाल्याचे सांगत आहेत. आता त्या लोकांना अचानक हे का बोलायला लागले, हा त्यांचा अंतर्गत प्रश्न आहे. आमच्याकडे तशा कोणत्याही चर्चा सुरू नाहीत, असे कोल्हे यांनी स्पष्ट केले. दरम्यान, आमदार रोहित पवार यांनी अजित पवार यांच्या निधनावरून आक्रमक भूमिका घेत मुख्यमंत्री देवेंद्र फडणवीस यांच्यावर गंभीर आरोप केले आहेत. यावरून रोहित पवार हे काँग्रेसमध्ये जाणार असल्याच्या चर्चांना उधाण आले. याबाबत अमोल कोल्हे म्हणाले की, काँग्रेसमध्ये जाणार असे रोहित पवारांनी माध्यमांना सांगितले आहे का? चर्चा काहीही घडवता येतात. स्वतः रोहित पवार हे महाराष्ट्रामध्ये अत्यंत धडाडीने विरोधकांची भूमिका मांडत आहेत. लगेच त्यावरून काही अर्थ काढणे चुकीचे आहे. रोहित पवारांकडून महाराष्ट्राला आशा आहेत. ते युवा नेतृत्व म्हणून पुढे येत आहेत. त्यामुळे अशी चर्चा आहे म्हणत त्यांच्यावर टॅग लावू नये, असे कोल्हे म्हणाले.

अभी जाधव

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance