दक्षिण भारतीय चित्रपटसृष्टीतील लोकप्रिय अभिनेत्री समंथा रुथ प्रभू हिच्या आयुष्यात आनंदाचा नवा अध्याय सुरू झाला आहे. समंथा आणि प्रसिद्ध दिग्दर्शक राज निदिमोरू यांच्या घरी एका चिमुकल्या पाहुण्याचे आगमन झाले असून, समंथाने १९ नोव्हेंबर २०२६ रोजी एका गोंडस मुलाला जन्म दिला आहे. या बातमीने तिच्या चाहत्यांमध्ये आनंदाचे वातावरण आहे.
नणंदीची तीन धार्मिक स्थळांना भेट
बाळाच्या जन्मानंतर राज निदिमोरू यांची बहीण शीतल हिने केलेल्या एका कृतीने सर्वांचे लक्ष वेधून घेतले आहे. शीतल हिने मुंबईतील सिद्धिविनायक मंदिर, हाजी अली दर्गा आणि सेंट मायकल चर्च या तीन धार्मिक स्थळांना भेट दिली. एकादशीच्या दिवशी उपवास करत तिने या तिन्ही ठिकाणी जाऊन नवजात बाळासाठी आणि संपूर्ण कुटुंबासाठी प्रार्थना केली.
‘तीन धर्म, एक प्रार्थना’
शीतलने या भेटींचे काही फोटो सोशल मीडियावर शेअर केले असून, त्यासोबत तिने एक भावुक पोस्टही लिहिली आहे. ‘तीन धर्म, एक प्रार्थना’ अशा शब्दांत तिने आपल्या भावना व्यक्त केल्या. बाळ ही ईश्वराने दिलेली अनमोल भेट असल्याचे सांगत तिने बाळाच्या सुखी आयुष्यासाठी प्रार्थना केली.
आपल्या पोस्टमध्ये शीतलने पुढे लिहिले की, बाळाने मोठे होताना प्रत्येक व्यक्तीवर प्रेम करावे, प्रत्येक धर्माचा आदर करावा आणि माणसांना जोडणाऱ्या गोष्टींमधून शहाणपण शिकावे, अशी आमची इच्छा आहे. तसेच राज आणि समंथाच्या आयुष्यात त्यांच्या चिमुकल्या मुलामुळे आणखी प्रेम, आनंद आणि समाधान यावे, अशी भावनिक इच्छाही तिने व्यक्त केली. शीतलची ही पोस्ट सोशल मीडियावर चर्चेचा विषय ठरली आहे.
Leave a Reply