देशाच्या राजधानीत प्रवेश करताना वाहनचालकांना आता टोल नाक्यावर थांबावे लागणार नाही. दिल्लीतील टोल नाक्यांवर मल्टी लेन फ्री फ्लो अर्थात एमएलएफएफ ही नवी प्रणाली कार्यान्वित झाली आहे. या यंत्रणेमुळे टोल भरण्यासाठी वाहन थांबवण्याची गरज संपणार असून प्रवाशांचा वेळ वाचणार आहे.
वाहन थांबवण्याची गरज नाही
नव्या प्रणालीत गाड्यांचे टोल आपोआप कट होणार आहेत. वाहन टोल नाक्यावरून जात असताना त्याचा टोल आपोआप भरला जाईल. त्यामुळे टोल भरण्यासाठी रांगेत उभे राहण्याची किंवा वाहन थांबवण्याची गरज भासणार नाही. सुमारे १५४ टोल नाक्यांवर ही यंत्रणा सुरू होणार आहे.
कोंडी आणि प्रदूषण कमी होणार
टोल नाक्यांवर वाहनांना थांबावे लागत नसल्याने वाहतूक कोंडी कमी होण्यास मदत होणार आहे. तसेच वाहनांचा वेळ वाचणार असून इंधनाची बचतही होईल. टोल नाक्यांवरील गर्दी कमी झाल्याने प्रदूषण कमी होण्यासही या प्रणालीचा फायदा होणार आहे. राजधानीत येणाऱ्या-जाणाऱ्या वाहनचालकांसाठी ही प्रणाली मोठा दिलासा ठरणार आहे.
Leave a Reply