भारताने बर्ड फ्लूविरोधातील लढ्यात एक मोठी झेप घेतली आहे. देशात बर्ड फ्लूला रोखण्यासाठी पहिली स्वदेशी H5N1 लस विकसित करण्यात आली आहे. ही लस भोपाळमधील आयसीएआर राष्ट्रीय उच्च सुरक्षा पशुरोग संस्थेने तयार केली आहे. पोल्ट्री उद्योगासाठी विकसित केलेली ही लस कोंबड्यांना बर्ड फ्लूपासून संरक्षण देईल, अशी अपेक्षा आहे.
पोल्ट्री क्षेत्राला मोठा दिलासा
बर्ड फ्लूमुळे पोल्ट्री क्षेत्राला नेहमीच मोठा फटका बसतो. कोंबड्यांमध्ये या आजाराचा प्रादुर्भाव झाल्यास मोठ्या प्रमाणावर पक्षी दगावतात आणि त्यामुळे पोल्ट्री व्यावसायिकांचे मोठे नुकसान होते. अशा परिस्थितीत स्वदेशी लस तयार होणे हे पोल्ट्री उद्योगासाठी दिलासादायक ठरू शकते. या लसीमुळे कोंबड्यांना बर्ड फ्लूपासून संरक्षण मिळेल आणि पोल्ट्री क्षेत्राला मोठा फायदा होईल, असे सांगितले जात आहे.
20 नोव्हेंबरला देशाला समर्पण
केंद्रीय कृषिमंत्री शिवराजसिंह चौहान 20 नोव्हेंबरला ही लस देशाला समर्पित करणार आहेत. देशातच विकसित झालेली ही लस बर्ड फ्लूविरोधातील लढ्यात भारताला स्वावलंबी बनवण्याच्या दिशेने एक महत्त्वाचे पाऊल मानले जात आहे.
Leave a Reply