लखनौ सुपर जायंट्स संघासाठी मागील आयपीएल हंगाम अत्यंत खराब गेला. हंगाम संपताच संघाने पुढील हंगामासाठी योग्य पावले उचलायला सुरुवात केली. काल झालेल्या रिटेन्शन यादीत लखनौने तब्बल १० खेळाडूंची हकालपट्टी केली. या यादीत अर्जुन तेंडुलकरचे नाव आहे की नाही, याकडे चाहत्यांचे लक्ष लागले होते.
अर्जुनला रिटेन; चाहत्यांना आनंद
चाहत्यांना भीती होती की लखनौ अर्जुन तेंडुलकरलाही रिलीज करणार की काय, कारण मागील हंगामात त्याला एकच सामना खेळण्याची संधी मिळाली होती. मागील हंगामात लखनौने मुंबईसोबत ट्रेड करून अर्जुनला आपल्या संघात सामील केले होते. मात्र लखनौने त्याला रिलीज न करता रिटेन केले आहे. त्यामुळे यंदाही अर्जुन लखनौकडून खेळताना दिसेल आणि यामुळे चाहत्यांनाही आनंद झाला आहे. अर्जुन करत असलेल्या मेहनतीचे कौतुक चाहते वेळोवेळी करत असतात.
पंत ट्रेड; शमीसह पाच जण रिलीज
लखनौने मागील हंगामाचा कर्णधार ऋषभ पंत याला ट्रेड करत बाहेरचा रस्ता दाखवला आहे. त्यामुळे आता लखनौ एका चांगल्या कर्णधाराच्या शोधात आहे. लखनौने मोहम्मद शमी, आवेश खान, एन्रिज नोर्जिया, आर्शिन कुलकर्णी तसेच वनिंदू हसरंगा यांना रिलीज केले आहे. लखनौने शार्दुल ठाकूरला मुंबईकडे पाठवले आणि अर्जुन तेंडुलकरला आपल्या संघात सामील करून घेतले होते. अर्जुन ३० लाखांत मागील हंगाम खेळला होता.
Leave a Reply