मंगळवार, १७ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

डिलिमिटेशन बिलावरून राष्ट्रवादी शरद पवार गटात मतभेद

डिलिमिटेशन बिलावरून राष्ट्रवादी शरद पवार गटात मतभेद समोर आले आहेत. नताशा आव्हाड यांनी पक्षाच्या भूमिकेला उघड विरोध करत बिलाला पाठिंबा देण्यास नकार दिला आहे.

डिलिमिटेशन बिलावरून राष्ट्रवादी शरद पवार गटात मतभेद

दोन्ही राष्ट्रवादीच्या विलिनीकरणाला पूर्णपणे ब्रेक लागला आहे. परंतु राष्ट्रवादी शरद पवार गटाकडून डिलिमिटेशन बिलाला पाठिंबा देण्याचे संकेत मिळत आहेत. सर्वच राज्यांमध्ये पन्नास टक्के जागा वाढवल्यास डिलिमिटेशन बिलाच्या पाठिंब्यावर विचार करू, असे विधान राष्ट्रवादी शरद पवार गटाच्या नेत्या सुप्रिया सुळे यांनी केले आहे. दुसरीकडे डिलिमिटेशन बिलावरून महाविकास आघाडीमधील मतभेदही समोर आले असून, काँग्रेसने वेगळी भूमिका घेतली आहे.

नताशा आव्हाड यांचा उघड विरोध

या पार्श्वभूमीवर राष्ट्रवादी शरद पवार गटाच्या राष्ट्रवादी युवक काँग्रेसच्या महाराष्ट्र प्रदेश सरचिटणीस नताशा आव्हाड यांनी पक्षाच्या या भूमिकेला उघडपणे विरोध केला आहे. नताशा आव्हाड या राष्ट्रवादी शरद पवार गटाचे नेते जितेंद्र आव्हाड यांच्या कन्या आहेत. नताशा आव्हाड यांनी डिलिमिटेशन बिलावरून केलेले ट्विट चांगलेच चर्चेत आले आहे.

नताशा आव्हाड यांनी या ट्विटमधून भाजप तसेच आपला पक्ष असलेल्या राष्ट्रवादी शरद पवार गटावरही जोरदार हल्लाबोल केला आहे. जर माझा पक्ष डिलिमिटेशन बिलाला पाठिंबा देणार असेल तर त्याला माझा विरोध असेल. या विधेयकाला पाठिंबा देणे म्हणजे या राष्ट्राची आणि त्याच्या संविधानाची मोठी हानी करण्यासारखे होईल. मला आशा आहे की पक्ष आपल्या भूमिकेचा पुनर्विचार करेल, असे नताशा आव्हाड यांनी म्हटले आहे.

ट्विटमध्ये नेमके काय म्हटले?

नताशा आव्हाड यांनी ट्विटमध्ये म्हटले की, जर माझा पक्ष मतदारसंघ पुनर्रचना विधेयकाला पाठिंबा देण्याचा विचार करत आहे, या अफवा खऱ्या असतील तर मी या निर्णयाचा तीव्र निषेध करते. वाढत्या मतदार संख्येच्या पार्श्वभूमीवर मतदारसंघ पुनर्रचना आवश्यक असली तरी, प्रस्तावित मतदारसंघ पुनर्रचना विधेयक हा विरोधी पक्षाला मिळणाऱ्या जागांची संख्या मर्यादित करण्याचा आणि त्याच वेळी भाजपला अवाजवी फायदा मिळवून देण्याचा एक घटनाबाह्य प्रयत्न आहे. आपली लोकप्रियता सतत कमी होत असताना, हा भाजपचा शेवटचा केविलवाणा प्रयत्न आहे. ज्या कोणाला या राष्ट्राची लोकशाही व्यवस्था टिकवायची आहे, त्यांनी या विधेयकाला जोरदार विरोध केलाच पाहिजे. या विधेयकाला पाठिंबा देणे म्हणजे या राष्ट्राची आणि त्याच्या संविधानाची मोठी हानी करण्यासारखे होईल. मला आशा आहे की पक्ष आपल्या भूमिकेचा पुनर्विचार करेल, असे ट्विट नताशा आव्हाड यांनी केले आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance