मंगळवार, १७ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

रक्षा खडसे यांना हायकोर्टाचा धक्का; दोन्ही याचिका फेटाळल्या

जळगाव जिल्हा बँक निवडणुकीत रक्षा खडसे यांनी दाखल केलेल्या दोन्ही याचिका हायकोर्टाने फेटाळल्या. त्यामुळे २९ नोव्हेंबर रोजी मतदान होणार असल्याचे स्पष्ट झाले आहे.

रक्षा खडसे यांना हायकोर्टाचा धक्का; दोन्ही याचिका फेटाळल्या

जळगावमधून मोठी बातमी समोर येत आहे. भाजप नेत्या आणि केंद्रीय राज्यमंत्री रक्षा खडसे यांना हायकोर्टाने मोठा धक्का दिला आहे. रक्षा खडसे यांनी जिल्हा बँक निवडणुकीसंदर्भात हायकोर्टामध्ये दाखल केलेली याचिका फेटाळून लावण्यात आली आहे. त्यामुळे आता मतदान होणार असल्याचे स्पष्ट झाले आहे.

जळगाव जिल्हा बँक निवडणुकीमध्ये रक्षा खडसे यांनी मुक्ताईनगरच्या आपल्या विरोधातील शिवसेनेच्या दोन उमेदवारांच्या उमेदवारीवर हरकत घेतली होती. या प्रकरणात त्यांनी मुंबई हायकोर्टाच्या छत्रपती संभाजीनगर खंडपीठामध्ये याचिका दाखल केली होती. मात्र त्यांची ही याचिका आता फेटाळून लावण्यात आली आहे. रक्षा खडसे विरुद्ध जिल्हा सहकारी संस्था असे या प्रकरणाचे नाव होते. १३ नोव्हेंबर २०२६ रोजी न्यायमूर्ती सचिन एस. देशमुख यांच्या खंडपीठासमोर ही सुनावणी झाली.

प्रतिवादींचा युक्तिवाद

यामध्ये प्रतिवादींच्या वकिलांनी कोर्टाला सांगितले की, २९ नोव्हेंबर २०२६ रोजी मतदान होणार आहे. एकदा निवडणूक प्रक्रिया सुरू झाली की, त्यात कोर्टाने हस्तक्षेप करू नये, हा कायद्याचा ठरलेला सिद्धांत आहे. नामांकन पत्र चुकीच्या पद्धतीने स्वीकारले असेल तर त्यासाठी निवडणूक याचिका दाखल करता येते. त्यामुळे कोर्टाने दोन्ही रिट याचिका टिकवता येणार नाहीत, असे सांगत त्या फेटाळून लावल्या. मात्र निकाल जाहीर झाल्यानंतर योग्य त्या निवडणूक याचिकेद्वारे आव्हान देण्याची मुभा कोर्टाने रक्षा खडसे यांना दिली आहे.

निवडणूक ठरलेल्या वेळापत्रकानुसारच

म्हणजेच जिल्हा बँकेची निवडणूक ठरलेल्या वेळापत्रकानुसारच होणार आहे, हे आता स्पष्ट झाले आहे. जिल्हा बँकेच्या निवडणुकीत मुक्ताईनगरच्या जागेबाबत विनोद तराळ आणि दिवानी देशमुख या दोन्ही अर्जांबाबत मंत्री रक्षा खडसे यांनी हरकत घेत हायकोर्टात याचिका दाखल केली होती. यावेळी प्रतिवादींच्या वकिलांकडून हायकोर्टात जोरदार युक्तिवाद करण्यात आला होता. एकदा निवडणूक प्रक्रिया सुरू झाली की, त्यात कोर्टाने हस्तक्षेप करू नये, हा कायद्याचा ठरलेला सिद्धांत आहे, असा युक्तिवाद प्रतिवादींच्या वकिलांकडून करण्यात आला होता. त्यानंतर ही याचिका फेटाळून लावण्यात आली आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance