विवो एक्स500एस लवकरच; 144Hz डिस्प्ले, 64MP कॅमेरा लीक

विवोची एक्स500एस सिरीज २६ नोव्हेंबर रोजी लाँच होण्याची शक्यता आहे. या फोनमध्ये ६.८५ इंचांचा 144Hz डिस्प्ले आणि ६४ मेगापिक्सेल पेरिस्कोप कॅमेरा मिळू शकतो.

विवो लवकरच भारतीय बाजारात आपली एक्स500 स्मार्टफोन सिरीज लाँच करणार आहे. कंपनीने ही सिरीज आधीच चीन आणि जागतिक बाजारात लाँच केली आहे. अहवालांवर विश्वास ठेवला तर, कंपनी या सिरीजमधील आणखी एक स्मार्टफोन लाँच करण्याची शक्यता आहे. हा नवा स्मार्टफोन विवो एक्स500एस या नावाने लाँच केला जाऊ शकतो. हा फोन नोव्हेंबर महिन्याच्या अखेरीस लाँच केला जाण्याची शक्यता वर्तवली जात आहे.

टिपस्टर डिजिटल चॅट स्टेशन यांनी विवोच्या आगामी स्मार्टफोनचे काही तपशील शेअर केले आहेत. त्यानुसार विवो एक्स500एस स्मार्टफोन सिरीज २६ नोव्हेंबर रोजी लाँच करण्याची शक्यता आहे. मात्र कंपनीने अद्याप याबाबत अधिकृत घोषणा केलेली नाही. त्यामुळे लाँचची तारीख आणि वैशिष्ट्ये याबाबतची माहिती ही सध्या लीक आणि अहवालांवर आधारित आहे.

आणखी वाचा ·10,000mAh बॅटरीसह येणार iQOO चा नवा स्मार्टफोन

144Hz डिस्प्ले आणि 64MP पेरिस्कोप कॅमेरा

आगामी विवो एक्स500एस स्मार्टफोनमध्ये ६.८५ इंचांचा फ्लॅट एलटीपीओ डिस्प्ले दिला जाऊ शकतो. या डिस्प्लेचे रिझोल्यूशन 2K+ असून रिफ्रेश रेट 144Hz पर्यंत असू शकतो. फोनमध्ये ६४ मेगापिक्सेलचा पेरिस्कोप टेलीफोटो कॅमेरा मिळणार आहे. हा कॅमेरा मिड-साइज सेंसर असणार असल्याचे सांगितले जात आहे.

विवोच्या आगामी स्मार्टफोनमध्ये मीडियाटेक डायमेन्सिटी 9-सिरीज चिपसेट दिला जाऊ शकतो. मात्र आगामी स्मार्टफोनच्या प्रोसेसरबाबत अद्याप अचूक माहिती शेअर करण्यात आलेली नाही. आगामी स्मार्टफोन मागील पिढीतील विवो एक्स300एसच्या तुलनेत मोठ्या बॅटरीसह बाजारात लाँच केला जाऊ शकतो. टिपस्टरने कमेंट सेक्शनमध्ये वापरकर्त्यांच्या प्रश्नांची उत्तरे देताना म्हटले आहे की, एस व्हेरिअंटचा हा फोन मोठ्या डिस्प्लेसह लाँच केला जाऊ शकतो.

एक्स300एसची वैशिष्ट्ये

विवो एक्स300एस स्मार्टफोनमध्ये ६.७८ इंचांचा अमोलेड डिस्प्ले देण्यात आला होता. या डिस्प्लेचे रिझोल्यूशन 1.5K असून रिफ्रेश रेट 144Hz आहे. हा स्मार्टफोन मीडियाटेक डायमेन्सिटी 9500 चिपसेट आणि ७,१००mAh बॅटरीसह लाँच करण्यात आला होता. फोनमध्ये 90W वायर्ड आणि 40W वायरलेस चार्जिंगचा सपोर्ट देण्यात आला आहे.

स्मार्टफोनच्या मागील बाजूला २०० मेगापिक्सेलचा रिअर कॅमेरा आणि ५० मेगापिक्सेलचा सोनी LYTIA 602 पेरिस्कोप टेलीफोटो कॅमेरा देण्यात आला आहे. या कॅमेऱ्यात 3.5x ऑप्टिकल झूमचा सपोर्ट आहे. सेल्फीसाठी फोनमध्ये ५० मेगापिक्सेलचा कॅमेरा देण्यात आला आहे. एक्स500एसमध्ये यापेक्षा काय सुधारणा होतात, हे लाँचच्या वेळी स्पष्ट होईल.