दिंडोरी तालुक्यातील लखमापूर फाटा परिसरात रविवारी सायंकाळी वाहतुकीचा मोठा खोळंबा झाला. सायंकाळी चार ते सहा या दोन तासांच्या काळात या चौफुलीवर वाहतूक पूर्णपणे ठप्प झाली होती. त्यामुळे या मार्गावरून जाणाऱ्या वाहनधारकांना मोठा त्रास सहन करावा लागला.
वर्दळीचा चौक, रोजची कोंडी
हा फाटा वणी-दिंडोरी रस्ता आणि पिंपळगाव ते लखमापूर गाव या रस्त्यांच्या चौफुलीवर आहे. नाशिकहून गुजरातकडे तसेच सप्तशृंगगडाकडे जाणारा हा मोठा मार्ग असून या रस्त्यावर नेहमीच वर्दळ असते. पिंपळगाव बाजारासाठीही तालुक्यातील अनेक भागांतून वाहने याच चौफुलीवरून जातात. त्यामुळे येथे रोजच वाहतूक कोंडी होते आणि अपघातही घडत असतात. कोंडीमुळे शेतकऱ्यांचा शेतीमाल वेळेवर बाजारात पोहोचत नाही, तर इतर वाहनचालकांनाही विनाकारण मनस्ताप सहन करावा लागतो.
उड्डाणपूल अथवा सिग्नलची मागणी
या चौफुलीवर एखादे वाहन अडकले तरी वाहतुकीचा खोळंबा होतो. त्यामुळे येथे उड्डाणपूल अथवा सिग्नल त्वरित बसवावेत, अशी मागणी वाहनचालक आणि प्रवाशांनी केली आहे.
Leave a Reply