जगभरात अल-निनोचा प्रभाव वाढण्याची शक्यता असून त्याचा परिणाम केवळ हवामानावरच नाही, तर लोकांच्या आरोग्यावरही होऊ शकतो. याबाबत जागतिक आरोग्य संघटनेने (WHO) गंभीर चिंता व्यक्त केली आहे. ऑक्टोबर २०२६ ते सप्टेंबर २०२७ या काळात निर्माण होणाऱ्या संभाव्य आरोग्य धोक्यांच्या पार्श्वभूमीवर संघटनेने जागतिक स्तरावर ग्रेड-३ अलर्ट लागू केला आहे. हा संघटनेचा सर्वाधिक गंभीर अलर्ट मानला जातो.
भारतासह दक्षिण आशियाला फटका
जागतिक आरोग्य संघटनेच्या अहवालानुसार, भारतासह दक्षिण आशियातील अनेक देशांना अल-निनोचा फटका बसू शकतो. भारतात यंदा तापमान सामान्यपेक्षा जास्त राहण्याची आणि पावसाचे प्रमाण कमी होण्याची शक्यता आहे. त्यामुळे उन्हाचा तडाखा, पाणीटंचाई आणि विविध आजारांचा धोका वाढू शकतो.
२०२७ मध्ये उष्णतेचा विक्रम मोडण्याची शक्यता
२०२७ मध्ये उष्णतेचा विक्रम मोडण्याची शक्यता वर्तवण्यात येत आहे. डेंग्यू, मलेरिया यांसारख्या आजारांचा प्रसार, दुष्काळ आणि पाण्याची टंचाई यांसारख्या समस्या निर्माण होऊ शकतात, असा इशाराही देण्यात आला आहे. त्यामुळे येत्या काळात हवामानातील बदल आणि आरोग्यावरील परिणाम याकडे लक्ष देणे महत्त्वाचे ठरणार आहे.
स्रोत: मूळ बातमी
Leave a Reply