उदगीरमध्ये दिवाळीत ध्वनिप्रदूषण धोकादायक पातळीवर

यंदा पाऊस कमी झाल्याने हवेतील धुळीचे प्रमाण कमी झाले नाही. त्यातच नागरिकांनी मोठ्या प्रमाणात फटाके फोडल्याने उदगीर शहरात हवेचे आणि ध्वनीचे प्रदूषण वाढल्याचे महाराष्ट्र उदयगिरी महाविद्यालयाच्या पर्यावरणशास्त्र विभागाच्या सर्वेक्षणात समोर आले आहे.

तीन दिवसांची नोंद

पर्यावरणशास्त्र विभाग प्रमुख प्रा. डॉ. जयप्रकाश पटवारी आणि त्यांचे सहकारी रोशनी उगीले व मनोहर नावंदे यांनी लक्ष्मीपूजन ते दिवाळी पाडवा या तीन दिवसांत शहरातील विविध ठिकाणी सर्वेक्षण केले. लक्ष्मीपूजनाच्या दिवशी हवा गुणवत्ता निर्देशांक १०५ तर ध्वनी पातळी १२० डेसिबल नोंदवली गेली. दुसऱ्या दिवशी हवा गुणवत्ता निर्देशांक ११५ तर ध्वनी पातळी ११५ डेसिबल होती. दिवाळी पाडव्याच्या दिवशी हवा गुणवत्ता निर्देशांक १२५ वर पोहोचला, तर ध्वनी पातळी ११० डेसिबल इतकी होती. हवा गुणवत्ता निर्देशांक मध्यम प्रदूषण श्रेणीत असला तरी ध्वनिप्रदूषण अत्यंत धोकादायक श्रेणीत होते. ८५ डेसिबलपेक्षा जास्त आवाज कान आणि हृदयासाठी घातक मानला जातो. उदगीरमध्ये ११० ते १२० डेसिबलपर्यंत आवाजाची नोंद झाली, ही बाब चिंताजनक असल्याचे सर्वेक्षणात नमूद करण्यात आले आहे.

पुढील वर्षी पर्यावरणपूरक दिवाळीचे आवाहन

पावसाअभावी हवेतील प्रदूषक कण तसेच राहिल्याने लहान मुले, वृद्ध, दमा आणि हृदयरुग्णांना अधिक त्रास झाला. पर्यावरणशास्त्र विभागाने पु�दी�ल वर्षी कमी आवाजाचे फटाके वापरून आणि दिव्यांची रोषणाई करून पर्यावरणपूरक दिवाळी साजरी करण्याचे आवाहन केले आहे.

स्रोत: मूळ बातमी