वणी येथील बिरसा मुंडा चौकात आद्य क्रांतिवीर राघोजी भांगरे यांची जयंती उत्साहात साजरी करण्यात आली. मान्यवरांच्या हस्ते त्यांच्या पुतळ्याला पुष्पहार अर्पण करून अभिवादन करण्यात आले. यावेळी ग्रामस्थ आणि कार्यकर्ते मोठ्या संख्येने उपस्थित होते.
शेतकऱ्यांच्या मुक्तीसाठी सशस्त्र लढा
शेतकऱ्यांना शेतसारा आणि सावकारांच्या जाचातून मुक्त करण्यासाठी राघोजी भांगरे यांनी ब्रिटिश सत्तेविरोधात सशस्त्र लढा उभारला होता. त्यांच्या शौर्यपूर्ण कार्याचे यावेळी स्मरण करण्यात आले. प्रा. अशोक बागूल यांनी राघोजी भांगरे यांच्या जीवनकार्यावर प्रकाश टाकत त्यांच्या संघर्षमय इतिहासाची माहिती उपस्थितांना दिली.
मान्यवरांची उपस्थिती
या कार्यक्रमाला सरपंच मधुकर भरसट, उपसरपंच विलास कड, कारभारी कड, जगन वाघ, माधवराव बागूल, प्रकाश मोढे, राजेंद्र खांडवी, संदीप जगताप, रोहित गायकवाड, पीनू मोढे, वसंत गांगोडे, किरण गायकवाड, गणेश कड, विजय गोतरणे, गणेश कडाळे, रवी भरसट, गौतम गांगुर्डे, विकी नवले, राहुल पवार, रवींद्र जगताप, सागर चौधरी, भीमराज धुम, पियुष भवर, हिरामण जाधव आणि दादा राठोड आदी उपस्थित होते. अमोल गावित यांनी प्रास्ताविक केले, तर संदीप जगताप यांनी आभार मानले.
स्रोत: मूळ बातमी
Leave a Reply