एका तरुणाच्या जीवावर बेतलेला प्रसंग चमत्कारिकरित्या टळला. हत्तीने त्याच्या छातीवर आणि पोटावर पाय ठेवला आणि दोनदा चिरडले. तरीही तरुणाचा जीव वाचला. या घटनेचा व्हिडिओ सध्या मोठ्या प्रमाणावर पाहिला जात आहे.
हत्तीचा हल्ला किती भयानक असतो?
वन्यजीव तज्ज्ञांच्या मते हत्ती हा वाघापेक्षाही अधिक धोकादायक वन्यप्राणी मानला जातो. एकदा हत्ती चवताळला किंवा त्याने एखाद्याचा पाठलाग सुरू केला, तर त्याच्यापासून बचाव करणे खूप कठीण असते. वाघाच्या हल्ल्यातून कदाचित सुटण्याची संधी मिळू शकते, मात्र हत्ती मागे लागला तर तो कित्येक किलोमीटरपर्यंत पाठलाग करू शकतो.
वजनाचाच हल्ला
वाघ आपल्या तीक्ष्ण नखांनी आणि दातांनी हल्ला करतो, तर हत्ती आपल्या प्रचंड वजनाने समोरच्या व्यक्तीला अक्षरशः चिरडून टाकू शकतो. त्यामुळे हत्तीचा हल्ला किती भयानक असू शकतो, याची कल्पनाही करवत नाही. हत्तीने दोनदा चिरडल्यानंतरही तरुण वाचला, यालाच अनेकजण चमत्कार मानत आहेत.
स्रोत: मूळ बातमी
Leave a Reply