सकाळी उठल्यानंतर आणि रात्री झोपण्यापूर्वी दात स्वच्छ करणं ही आपल्या दिनचर्येचा भाग आहे. दात स्वच्छ करण्यासाठी आपण टूथब्रशचा वापर करतो. पण तुम्ही रोज वापरत असलेला टूथब्रश किती झिजलेला असतो? तो कधी बदलायचा? हे लक्षात येणंही तितकंच महत्त्वाचं आहे. बरेच लोक वर्षभर एकच टूथब्रश वापरतात, त्यामुळे ब्रश झिजून जातो. टूथब्रश खराब झाल्याची आणि झिजल्याची चिन्हं ओळखणं महत्त्वाचं आहे.
किती महिन्यांनी टूथब्रश बदलावा?
आरोग्यविषयक माहितीनुसार, टूथब्रश साधारणपणे दर तीन ते चार महिन्यांनी बदलला पाहिजे. ब्रशच्या नियमित वापरामुळे त्याचे केस झिजतात, ज्यामुळे त्याच्या स्वच्छ करण्याच्या क्षमतेवर परिणाम होऊ शकतो. जर तुमचा टूथब्रश तीन महिन्यांच्या आतच झिजलेला दिसू लागला, तर नवीन टूथब्रश घेणं योग्य राहील.
ब्रश बदलण्याची वेळ आली हे कसं ओळखायचं?
ब्रशचे केस पसरले असतील तर तो बदलण्याची वेळ आली आहे, हे समजून घ्या. ब्रशचे केस सरळ राहण्याऐवजी सर्व बाजूंनी पसरले असतील, तर तो ब्रश आता दात नीट स्वच्छ करू शकत नाही. नियमित वापरामुळे किंवा जास्त जोराने दात घासल्याने ब्रशचे केस वाकू शकतात; अशा ब्रश बदलणं महत्त्वाचं आहे. ब्रशचे केस तुटलेले किंवा जास्त झिजलेले दिसत असतील, तर नवीन ब्रश वापरा.
ब्रश दिसायला ठीक असला तरी तीन ते चार महिन्यांनी तो बदलणं महत्त्वाचं आहे. जुन्या ब्रशने दात घासणं म्हणजे दातांची स्वच्छता अर्धवट राहणं. त्यामुळे ब्रशची स्थिती वेळोवेळी तपासा आणि वेळ आली की नवीन ब्रश घ्या. येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.
स्रोत: मूळ बातमी
Leave a Reply