प्रत्येक घरात बेडशीट असतातच. त्या जुन्या झाल्या किंवा त्यांना डाग पडले की अनेक जण त्या फेकून देतात. मात्र थोड्या कल्पकतेने या जुन्या चादरींपासून घरासाठी अनेक उपयुक्त वस्तू बनवता येतात. जास्त खर्च न करता घर सुंदर करण्याचे काही सोपे मार्ग जाणून घेऊया.
कापडी पिशव्या आणि बागेतील वापर
जाड सुती चादरींपासून किराणा सामान नेण्यासाठी मजबूत कापडी पिशव्या शिवता येतात. यामुळे प्लास्टिकच्या पिशव्यांचा वापर कमी होतो. बागेतही जुन्या चादरी उपयोगी पडतात. कापडाच्या लांब पट्ट्या फाडून वाढणाऱ्या रोपांना वेलींना किंवा खांबांना बांधता येते. लहान रोपांचे उन्हापासून किंवा थंडीपासून संरक्षण करण्यासाठी रात्री त्यांना चादरीने झाकताही येते.
पाळीव प्राण्यांचे बिछाने आणि घराची सजावट
दुकानातून पाळीव प्राण्यांसाठी महागडे बिछाने विकत घेण्याऐवजी जुन्या चादरीला घडी घालून मऊ बिछाना बनवता येतो. तो धुवायला आणि वापरायला सोपा असतो. बेडशीटमधील सुंदर नक्षी आणि डिझाइन कापून सोफ्यावरील कुशन किंवा उशांसाठी नवीन कव्हर शिवता येतात. यामुळे घराच्या आतील भागाचे स्वरूप बदलते. सुंदर नक्षी असलेल्या चादरी फ्रेम करून किंवा भरतकामाच्या चौकटीत अडकवून बेडरूमच्या भिंतीवर कलाकृती म्हणूनही टांगता येतात.
धूळ झटकण्यासाठीही उपयोगी
न वापरलेल्या फर्निचरवर तसेच मिक्सर आणि ग्राइंडरसारख्या घरगुती उपकरणांवर धूळ साचू नये म्हणून चादरी कापून त्यांचे आवरण बनवता येते. जुन्या चादरींचे लहान तुकडे करून घरात धूळ झटकण्यासाठी किंवा स्वयंपाकघरात भांडी पुसण्यासाठीही त्यांचा वापर होतो. सुती कापड असल्यामुळे ते धूळ चांगल्या प्रकारे शोषून घेते.
स्रोत: मूळ बातमी
Leave a Reply