वास्तुशास्त्रात घरातील प्रत्येक गोष्टीविषयीचे नियम सांगितले आहेत. घराच्या प्रत्येक कोपऱ्याची आणि रचनेची एक विशिष्ट दिशा ठरलेली असते. त्याचप्रमाणे टॉयलेट सीटची दिशाही महत्त्वाची मानली जाते. वास्तुशास्त्रानुसार, चुकीच्या दिशेला टॉयलेट सीट बसवल्याने आरोग्यावर परिणाम होतो.
बसताना तोंड कोणत्या दिशेला असावे
वास्तुशास्त्रानुसार टॉयलेट सीटवर बसताना व्यक्तीचे तोंड नेहमी उत्तर किंवा दक्षिण दिशेला असणे अत्यंत योग्य मानले जाते. यामुळे शरीरातील ऊर्जेचे संतुलन राहते आणि कुटुंबातील सदस्यांचे आरोग्य उत्तम राहण्यास मदत होते.
कोणत्या दिशा टाळाव्यात
ईशान्य कोपरा हा देवाचा आणि अत्यंत पवित्र मानला जातो. या कोपऱ्यात किंवा पूर्व दिशेला टॉयलेट असल्यास घरात मानसिक ताण, आजारपण आणि आर्थिक अडचणी निर्माण होऊ शकतात, असे वास्तुशास्त्रात सांगितले जाते. त्यामुळे या दिशांना टॉयलेट सीट अजिबात असू नये. तसेच वास्तुशास्त्रानुसार, घराच्या मध्यभागी कधीही टॉयलेट किंवा बाथरूम बांधू नये. यामुळे संपूर्ण घरात वास्तुदोष निर्माण होतो.
पाण्याचा निचरा, दरवाजा आणि इतर नियम
टॉयलेट किंवा बाथरूममधील वापरलेल्या पाण्याचा निचरा पश्चिम किंवा उत्तर-पश्चिम दिशेला होणे योग्य मानले जाते. टॉयलेटचा दरवाजा लाकडाचा असावा. धातूचा किंवा प्लास्टिकचा दरवाजा नकारात्मक ऊर्जा पसरवू शकतो, असे मानले जाते. तसेच टॉयलेटचा दरवाजा नेहमी बंद ठेवावा. बाथरूम आणि टॉयलेट एकत्रित असल्यास, टॉयलेट सीट आणि शॉवरच्यामध्ये काचेचे पार्टिशन वास्तूनुसार योग्य मानले जाते. येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.
स्रोत: मूळ बातमी
Leave a Reply