रिलायन्स जिओने भारतीय टेलिकॉम बाजारात आपला आतापर्यंतचा सर्वात मोठा दीर्घकालीन प्रीपेड प्लॅन आणला आहे. या प्लॅनची किंमत १०,००० रुपये असून यामध्ये ग्राहकांना तब्बल ३ वर्षांची म्हणजेच १,०९५ दिवसांची मोठी वैधता दिली जात आहे. पुन्हा पुन्हा रिचार्ज करण्याच्या त्रासापासून सुटका हवी असलेल्या ग्राहकांसाठी हा पर्याय ठरू शकतो.
या नवीन १०,००० रुपयांच्या प्लॅनमध्ये ग्राहकांना अमर्यादित व्हॉईस कॉलिंगसोबतच दररोज २.५ जीबी हाय-स्पीड डेटा आणि १०० मोफत एसएमएस मिळतील. अधिकृत माहितीनुसार, ३ वर्षांच्या दीर्घ कालावधीसाठी उपलब्ध असणाऱ्या या प्लॅनमध्ये ग्राहकांना ५जी कव्हरेज क्षेत्रात अमर्यादित ट्रू ५जी डेटा आणि मोफत डिजिटल सबस्क्रिप्शन्सचा लाभ देखील घेता येणार आहे.
हा नवीन ३६ महिन्यांचा प्लॅन ७ नोव्हेंबर २०२६ पासून अधिकृतरीत्या लाइव्ह करण्यात आला आहे. या प्लॅनमध्ये नेहमीच्या टेलिकॉम सुविधांसोबतच प्रगत क्लाउड स्टोरेज, मनोरंजन आणि उत्पादकता साधनांची प्रीमियम सबस्क्रिप्शन्स एकाच पॅकेजमध्ये समाविष्ट करण्यात आली आहेत.
जिओ १०,००० प्लॅनची वैशिष्ट्ये
दीर्घ वैधता: हा प्लॅन एकूण ३ वर्षांसाठी म्हणजेच १,०९५ दिवसांसाठी वैध राहील, त्यामुळे दरमहा किंवा दरवर्षी रिचार्ज करण्याची चिंता पूर्णपणे संपणार आहे.
दररोजचा डेटा: ग्राहकांना दररोज २.५ जीबी हाय-स्पीड डेटा मिळेल. संपूर्ण ३ वर्षांच्या कालावधीत एकूण २,७३७.५ जीबीचा मोठा डेटा दिला जाईल. दैनिक मर्यादा संपल्यानंतर इंटरनेटचा वेग ६४ केबीपीएसपर्यंत मर्यादित होईल.
अमर्यादित ट्रू ५जी: जे ग्राहक जिओच्या ५जी कव्हरेज क्षेत्रात राहतात आणि ज्यांच्याकडे ५जी स्मार्टफोन आहे, त्यांच्यासाठी कंपनी अमर्याद ५जी डेटा वापरण्याची सुविधा देत आहे.
अमर्यादित कॉलिंग व एसएमएस: देशभरातील कोणत्याही नेटवर्कवर अमर्यादित व्हॉइस कॉलिंग (लोकल व एसटीडी) आणि दररोज १०० मोफत एसएमएसची सुविधा यात उपलब्ध आहे.
प्रीमियम डिजिटल सबस्क्रिप्शन्स आणि क्लाउड स्टोरेज
हा केवळ कॉलिंग आणि डेटा प्लॅन नसून, यामध्ये ग्राहकांना एक संपूर्ण डिजिटल बुके दिला आहे. मनोरंजनासाठी जिओहॉटस्टारचे मोफत सबस्क्रिप्शन दिले जात आहे. डिझायनिंग आणि सर्जनशील कामांसाठी १२ महिन्यांचे कॅनव्हा प्रो लाइट सबस्क्रिप्शन पूर्णपणे मोफत समाविष्ट आहे. ग्राहकांचा डेटा, फोटो आणि फाइल्स सुरक्षित ठेवण्यासाठी ५० जीबीचे जिओ एआय क्लाउड स्टोरेज मोफत दिले जात आहे. यासोबतच लाइव्ह टीव्ही आणि इतर मनोरंजनासाठी जिओटीव्हीचा अॅक्सेस समाविष्ट आहे.
ग्राहकांचा फायदा कसा?
पहिल्यांदा पाहता १०,००० ही रक्कम मोठी वाटू शकते; परंतु ३ वर्षांच्या कालावधीचा विचार केल्यास या प्लॅनचा रोजचा खर्च साधारणपणे फक्त ९.१३ रुपये पडतो. तसेच, याचा प्रभावी मासिक खर्च सुमारे २७८ रुपये इतका येतो.
या प्लॅनचा सर्वात मोठा फायदा म्हणजे, आगामी ३ वर्षांत टेलिकॉम कंपन्यांनी रिचार्जच्या किमती वाढवल्या, तरीही या ग्राहकांना त्याचा कोणताही फटका बसणार नाही आणि ते सध्याच्या दरातच सेवांचा लाभ घेऊ शकतील. हा प्लॅन जिओच्या अधिकृत वेबसाइटवरून किंवा मायजिओ अॅपद्वारे रिचार्ज करण्यासाठी उपलब्ध आहे.
स्रोत: मूळ बातमी
Leave a Reply