भारतीय क्रिकेट संघाचा कर्णधार शुभमन गिल सध्या एका वेगळ्याच कारणामुळे चर्चेत आला आहे. भारत आणि न्यूझीलंड यांच्यातील पहिला एकदिवसीय सामना ऑकलंडमधील ईडन पार्कवर खेळवण्यात आला. या सामन्यादरम्यान शुभमनचा एक फोटो समोर आला असून तो सोशल मीडियावर वेगाने व्हायरल होत आहे.
लाल टी-शर्ट आणि टेम्पल डिव्हाइस
या फोटोत त्याने भारतीय संघाच्या जर्सीखाली लाल रंगाचा टी-शर्ट घातलेला दिसत आहे. विशेष म्हणजे, त्याच्या गळ्यात झोमॅटोचे संस्थापक दीपिंदर गोयल यांच्याशी संबंधित टेम्पल हे डिव्हाइसही दिसून येत आहे. या दोन गोष्टींमुळे नेटकऱ्यांनी शुभमनचा संबंध थेट झोमॅटोशी जोडला.
नेटकऱ्यांकडून मजेशीर प्रतिक्रिया
शुभमनचा हा फोटो व्हायरल होताच नेटकऱ्यांनी त्यावर मजेशीर कमेंट्स आणि मीम्सचा पाऊस पाडला. त्याच्या लाल टी-शर्टवरून अनेकांनी गंमत केली की, सामना संपल्यानंतर शुभमन अन्नपदार्थांची डिलिव्हरी करायला जाणार का. एका वापरकर्त्याने तर त्याला थेट डिलिव्हरी पार्टनर असे म्हटले.
एवढेच नाही, तर काही नेटकऱ्यांनी दीपिंदर गोयल यांच्या टेम्पल डिव्हाइसवरही मजेशीर प्रतिक्रिया दिल्या. एका वापरकर्त्याने या डिव्हाइसची तुलना जळवेशी केली, तर दुसऱ्याने हे मर्चेंडाइज आता देशाचा नवा गणवेश बनले आहे, अशी गंमत केली. या सगळ्या प्रतिक्रियांमुळे शुभमनच्या फोटोची सोशल मीडियावर चांगलीच चर्चा रंगली आहे.
मात्र, शुभमनने लाल रंगाचा टी-शर्ट घातला असला तरी तो झोमॅटोचा अधिकृत टी-शर्ट असल्याचे स्पष्ट झालेले नाही. केवळ त्याच्या टी-शर्टचा रंग आणि गळ्यातील डिव्हाइस यामुळे नेटकऱ्यांनी या दोन्ही गोष्टींचा संबंध जोडला आहे. आता या फोटोवरून तयार झालेले मीम्स क्रिकेट चाहत्यांचे चांगलेच मनोरंजन करत आहेत.
स्रोत: मूळ बातमी
Leave a Reply