आयपीएल २०२७ च्या हंगामासाठी सर्वच फ्रँचायझींनी आतापासून तयारी सुरू केली आहे. स्पर्धेतील सर्व १० संघांना १७ नोव्हेंबरपूर्वी आपल्या रिटेन आणि रिलीज केलेल्या खेळाडूंची यादी जाहीर करावी लागणार आहे. त्याआधीच खेळाडूंच्या ट्रेड डीलची जोरदार चर्चा रंगली आहे.
वृत्तानुसार, मुंबई इंडियन्स आणि पंजाब किंग्स यांच्यातील एका मोठ्या ट्रेड डीलला दुजोरा मिळाला आहे. या करारानुसार मुंबईचा कर्णधार हार्दिक पांड्या पंजाब किंग्समध्ये जाणार आहे, तर त्याच्या बदल्यात पंजाबचा वेगवान गोलंदाज अर्शदीप सिंग मुंबईच्या ताफ्यात दाखल होणार आहे. मात्र, या ट्रेडबाबत दोन्ही फ्रँचायझींकडून अद्याप अधिकृत घोषणा करण्यात आलेली नाही.
लिलावापूर्वी आणखी चार खेळाडू रिलीज होण्याची शक्यता
हार्दिकच्या ट्रेडनंतर मुंबई इंडियन्स संघात आणखी काही मोठे बदल करण्याच्या तयारीत असल्याची चर्चा आहे. आयपीएल २०२७ च्या लिलावापूर्वी मुंबई चार खेळाडूंना रिलीज करू शकते.
महिपाल लोमरोरला बदली खेळाडू म्हणून ५० लाख रुपयांच्या करारावर संघात घेतले होते. मात्र संपूर्ण हंगामात त्याला एकही सामना खेळण्याची संधी मिळाली नाही. त्यामुळे आगामी हंगामापूर्वी मुंबई त्याला रिलीज करण्याचा निर्णय घेऊ शकते.
शार्दुल ठाकूर ट्रेड डीलच्या माध्यमातून लखनौ सुपर जायंट्सकडून मुंबईत आला होता. मुंबईने त्याला २ कोटी रुपयांना संघात सामील केले होते. त्याला नऊ सामने खेळण्याची संधी मिळाली, मात्र अपेक्षित कामगिरी करता आली नाही.
झारखंडचा युवा फलंदाज रॉबिन मिन्झ देशांतर्गत क्रिकेटमधील आक्रमक फलंदाजीसाठी ओळखला जातो. त्याच्या स्फोटक फलंदाजीमुळे त्याला देशांतर्गत क्रिकेटचा ‘ख्रिस गेल’ असेही म्हटले जाते. मात्र आयपीएलमध्ये त्याला आपली छाप पाडता आलेली नाही.
लेग स्पिनर मयंक मार्कंडेलाही गेल्या हंगामात अपेक्षित संधी मिळाल्या नाहीत. संघात अल्लाह गझनफर, रघु शर्मा आणि केशव महाराज यांसारखे फिरकीपटू असल्याने मार्कंडेचे संघातील स्थान धोक्यात आले आहे.
स्रोत: मूळ बातमी
Leave a Reply