मराठी रंगभूमी दिनानिमित्त नंदुरबारमध्ये नटराज पूजन

नंदुरबार येथे मराठी रंगभूमी दिनानिमित्त नटराज पूजन आणि रंगमंच पूजनाचा कार्यक्रम पार पडला. छत्रपती शिवाजी महाराज नाट्यमंदिरात जिभाऊ करंडक परिवार, बालरंगभूमी परिषद आणि गाडगेबाबा शैक्षणिक व सांस्कृतिक सेवा मंडळ यांच्या वतीने हा कार्यक्रम झाला. राज्य बालनाट्य स्पर्धेच्या प्राथमिक आणि अंतिम फेरीत अभिनयात रौप्य पदक मिळवलेल्या बाल कलावंत तनिष्का नागसेन पेंढारकर यांच्या हस्ते नटराज पूजन करण्यात आले.

प्रमुख पाहुणे आणि मान्यवर

कार्यक्रमाला प्रमुख पाहुणे म्हणून साहित्यिक रमाकांत पाटील, प्रा. डॉ. माधव कदम, बालरंगभूमी परिषद मुंबईचे राज्य कार्यकारिणी सदस्य तथा जिल्हाध्यक्ष नागसेन पेंढारकर, बालरंगभूमी परिषदेच्या जिल्हा शाखेचे प्रमुख कार्यवाह राजेश जाधव आणि कार्याध्यक्ष मनोज सोनार उपस्थित होते. या वेळी रमाकांत पाटील, प्रा. डॉ. माधव कदम आणि नाट्यकर्मी क्षमा वासे-वसईकर यांनी मनोगत व्यक्त केले. ज्येष्ठ कलावंत प्रकाश मच्छले यांनी गीत सादर केले, तर भास्कर धनगर यांनी कविता सादर केली.

या वेळी नाट्यकर्मी राहुल खेडकर, विजय पाटील, अभिनेता विजय पवार, संतोष पाटील, तुषार ठाकरे, रोटरी क्लब ऑफ नंदनगरीचे सचिव महेश रघुवंशी, गिरीश वसावे, तुषार सोनवणे, कुणाल वसईकर, प्रफुल महिरे, हेमंत पेंढारकर, मनोज शेवाळे, दिनेश पाठक, पार्थ जाधव, धर्मेंद्र भारती, प्रदीप जोशी, किरण दाभाडे, ऋषिकेश मंडलिक, योगेश पाटील, मानसिंग राजपूत, कुणाल वीर आणि कन्हैया सोनवणे उपस्थित होते. प्रास्ताविक नाट्यकर्मी नागसेन पेंढारकर यांनी केले. राजेश जाधव यांनी सूत्रसंचालन करून आभार मानले.

स्रोत: मूळ बातमी