भारतरत्न डॉ. बाबासाहेब आंबेडकर यांनी आपल्या अनुभवसंपन्न जीवनातून शिक्षणाचे सांगितलेले महत्त्व आणि त्यांनी शाळेत प्रवेश केलेल्या दिवसापासूनच गुलामीतून मुक्तता होण्याला सुरुवात झाल्याचे मत उपप्राचार्य प्रा. डॉ. सत्यजित साळवे यांनी व्यक्त केले. पाळधी (ता. धरणगाव) येथील बौद्धविहारात डॉ. बाबासाहेब आंबेडकर यांच्या शाळा प्रवेशदिनानिमित्त आयोजित कार्यक्रमात ते बोलत होते.
शिक्षणातून सामाजिक व शैक्षणिक क्रांतीची पाऊलवाट
शतकानुशतकांचा अन्याय, अत्याचार आणि शोषित वंचितांचा गुलामीचा इतिहास बदलविण्याचे महत्त्वपूर्ण कार्य डॉ. बाबासाहेब आंबेडकरांच्या शालेय प्रवेशातून आणि त्यांच्या अनुभवसंपन्न जीवनातून झाले, असे मत डॉ. बी. डी. शिरसाठ यांनी धरणगाव येथे शाळा प्रवेशोत्सवाच्या कार्यक्रमात व्यक्त केले. सामाजिक क्रांतीची आणि शैक्षणिक क्रांतीची पाऊलवाट निर्माण करण्याचे कार्यही बाबासाहेबांच्या शैक्षणिक जीवनातून लक्षात येत असल्याचे त्यांनी सांगितले.
पाळधी येथील कार्यक्रमाच्या अध्यक्षस्थानी आर. टी. सोनवणे होते. प्रमुख पाहुणे म्हणून साहित्यिक डॉ. मिलिंद बागुल, बापूराव पानपाटील, मुकुंद नन्नावरे, सुनील सोनवणे, जगदीश सपकाळे, रत्नदीप नन्नवरे आणि सुनील आव्हाड आदी मान्यवर उपस्थित होते. धरणगाव येथील कार्यक्रमाच्या अध्यक्षस्थानी डॉ. मिलिंद बागुल होते. जय महाराष्ट्र संघटनेचे पालक अध्यक्ष आर. टी. सोनवणे, सुनील सोनवणे, उपप्राचार्य प्रा. डॉ. सत्यजित साळवे, राजू न्हायदे, रामकृष्ण पाटील आणि संकेत शिरसाट आदी यावेळी उपस्थित होते. कार्यक्रमाचे सूत्रसंचालन बापूराव पानपाटील यांनी केले.
स्रोत: मूळ बातमी
Leave a Reply