भारतीय क्रिकेट संघाचा स्टार फलंदाज आणि चाहत्यांचा लाडका क्रिकेटपटू विराट कोहली याचा आज वाढदिवस आहे. विराटच्या वाढदिवसानिमित्त देशभरातून त्याच्यावर शुभेच्छांचा वर्षाव होत आहे. क्रिकेटप्रेमींसह मनोरंजन विश्वातील अनेक कलाकारांनीही सोशल मीडियाच्या माध्यमातून त्याला शुभेच्छा दिल्या आहेत. अशातच एका मराठी अभिनेत्रीने विराटसाठी केलेली खास पोस्ट सध्या चर्चेचा विषय ठरत आहे. विशेष म्हणजे या पोस्टमध्ये तिने विराटची पत्नी आणि अभिनेत्री अनुष्का शर्मा हिचाही उल्लेख केला आहे.
रुचिरा जाधवची खास पोस्ट
ही अभिनेत्री दुसरी-तिसरी कोणी नसून मराठमोळी अभिनेत्री रुचिरा जाधव आहे. रुचिरा विराट कोहलीची मोठी चाहती असून त्याच्याविषयीचं तिचं प्रेम आणि कौतुक तिने सोशल मीडियावर व्यक्त केलं आहे. रुचिराने पोस्टमध्ये लिहिलं की, गणितातील पायची किंमत ही स्थिर असते. पण माझं तुझ्यासाठी असणारं प्रेम हे स्थिर आहे. म्हणूनच पाय म्हणजे माझं तुझ्यासाठी असणारं प्रेम!
अनुष्काचाही उल्लेख
पोस्टच्या शेवटी रुचिराने लिहिलं, हॅपी बर्थडे चिकुंद्रे… बाहुबली की अमरेंद्र कोहली म्हणू… अनुष्काचे अहो आणि माझे साहो! ज्या प्रकारे तू मैदानावर येतोस, ज्याप्रकारे तू खेळतोस, ज्याप्रकारे तू मॅच संपवतोस आणि ज्याप्रकारे तू अनुष्काला मिठी मारतोस… खूप प्रेम. शतकाची वाट पाहत आहोत. आम्हाला काही घाई नाही.
स्रोत: मूळ बातमी
Leave a Reply