भारतीय दुचाकी बाजारात सुझुकी मोटरसायकल इंडियाने ऑक्टोबर २०२६ मध्ये विक्रीचा नवा विक्रम नोंदवला आहे. सणासुदीच्या काळात कंपनीने देशांतर्गत विक्रीत आतापर्यंतची सर्वोच्च मासिक आकडेवारी गाठली. कंपनीची एकूण विक्री १.४६ लाख युनिट्सवर पोहोचली असून मागच्या वर्षीच्या ऑक्टोबर महिन्यातील १.२९ लाख युनिट्सच्या तुलनेत त्यात १३ टक्के वाढ झाली आहे.
देशांतर्गत विक्रीत २० टक्के वाढ
ऑक्टोबर २०२६ मध्ये सुझुकीने भारतात १,२४,५९९ दुचाकी विकल्या. ऑक्टोबर २०२५ मध्ये हा आकडा १,०३,४५४ युनिट्स होता. म्हणजेच देशांतर्गत विक्रीत २० टक्के वाढ झाली. या विक्रीच्या जोरावर सुझुकी भारतीय दुचाकी कंपन्यांमध्ये पाचव्या स्थानावर राहिली. हिरो, होंडा, टीव्हीएस आणि बजाज या कंपन्या तिच्या पुढे आहेत.
एक्स्पोर्टमध्ये घट, स्पेअर पार्ट्स व्यवसायात विक्रम
सुझुकीच्या भारतात तयार झालेल्या दुचाकींच्या एक्स्पोर्टमध्ये ऑक्टोबर महिन्यात घट झाली. कंपनीने २१,७२० युनिट्स परदेशात पाठवली. ऑक्टोबर २०२५ मध्ये २५,८०७ युनिट्सची निर्यात झाली होती. त्यामुळे एक्स्पोर्टमध्ये १६ टक्के घट नोंदवली गेली. दुसरीकडे, स्पेअर पार्ट्स व्यवसायाने ११८.८ कोटी रुपयांचा महसूल मिळवला. मागच्या वर्षी याच महिन्यात ८५.७ कोटी रुपये महसूल होता. या व्यवसायात ३९ टक्के वाढ झाली.
राइडिंग उपक्रमांना प्रतिसाद
ऑक्टोबरमध्ये सुझुकीने व्ही-स्ट्रॉम एसएक्ससाठी ग्लास स्पार्कल ब्लॅक आणि मेटॅलिक मॅट फायब्रोइन ग्रे असे ड्युअल-टोन कलर ऑप्शन सादर केले. व्ही-स्ट्रॉम एक्स्पेडिशन २०२६ या राइडमध्ये ४३ सुझुकी कस्टमर सहभागी झाले. दिल्लीपासून झंस्कार आणि लडाखमार्गे चंदीगडपर्यंत २,५३५ किलोमीटरचा प्रवास करण्यात आला. याशिवाय, बर्गमन हँगआउट परेड ११ शहरांमध्ये आयोजित करण्यात आली. पालक्काड आणि कोल्हापूर येथे जिक्सर पिटस्टॉप उपक्रमातून राइडर्सना टेस्ट राइडची संधी मिळाली. सप्टेंबर २०२६ मध्ये सुझुकी हायाबुसा स्पेशल एडिशन १९.९० लाख रुपये (एक्स-शोरूम, दिल्ली) किंमतीत लाँच झाली होती. पर्ल व्हिगर ब्लू रंगासह खास डेकल्स, व्हील फिनिश आणि फ्युल टँकवरील स्पेशल एडिशन बॅज हे तिचे वैशिष्ट्य आहे. सुझुकीच्या विक्रीतील या वाढीमुळे भारतातील कस्टमर कनेक्शन आणि सणासुदीच्या मागणीचा कंपनीला फायदा झाल्याचे दिसते.
स्रोत: मूळ बातमी
Leave a Reply