कळंब तालुक्यातील गंभीरवाडी येथील जिल्हा परिषद प्राथमिक शाळेत विद्यार्थ्यांना क्रीडा गणवेश आणि शैक्षणिक साहित्याचे वाटप करण्यात आले. आमदार राणाजगजितसिंह पाटील यांच्या वाढदिवसानिमित्त स्वप्नपूर्ती कन्स्ट्रक्शन अँड डेव्हलपर्सच्या वतीने हा उपक्रम राबविण्यात आला. ईटकूर गटातील पाच जिल्हा परिषद शाळांमधील विद्यार्थ्यांना या उपक्रमाचा लाभ मिळाला.
पाच शाळांतील विद्यार्थ्यांना लाभ
आढाळा, भोगजी, बहुला, आथर्डी आणि गंभीरवाडी येथील शाळांमधील विद्यार्थ्यांना साहित्याचे वितरण करण्यात आले. गंभीरवाडीतील शाळेत या उपक्रमाचा कार्यक्रम पार पडला. स्वप्नपूर्ती कन्स्ट्रक्शन अँड डेव्हलपर्सचे प्रमुख तथा भाजपचे जिल्हा सचिव विठ्ठल माने यांच्या मार्गदर्शनाखाली हा उपक्रम राबविण्यात आला. साहित्याचे वाटप भाजपचे जिल्हाध्यक्ष दत्ताभाऊ कुलकर्णी यांच्या हस्ते करण्यात आले.
मान्यवरांची उपस्थिती
कार्यक्रमाला ज्येष्ठ नेते पी. जी. नाना तांबारे, कळंब पश्चिम विभागाचे अध्यक्ष अरुण चौधरी, पूर्व विभागाचे अध्यक्ष दत्तात्रय साळुंखे, जिल्हा सरचिटणीस शिवाजी गिड्डे, माजी नगराध्यक्ष संजय मुंदडा, उपनगराध्यक्ष लखन गायकवाड, गटनेते हर्षद अंबुरे, ॲड. रामराजे जाधव, ज्ञानेश्वर गंभीरे, आबासाहेब आडसूळ, सरपंच शिवाजी गोडगे आणि शाळा व्यवस्थापन समितीचे अध्यक्ष बालाजी देवकर उपस्थित होते. मुख्याध्यापक राजेंद्र बिक्कड यांनी सूत्रसंचालन केले. उपक्रमाच्या यशस्वितेसाठी मुख्याध्यापक निशिकांत आडसूळ, सहशिक्षक तात्यासाहेब सुरवसे, सुधीर राऊत, सरवदे आणि कार्यकर्त्यांनी परिश्रम घेतले.
स्रोत: मूळ बातमी
Leave a Reply