फेंग शुई हे एक चिनी वास्तुशास्त्र आहे. त्याचा उगम चीनमध्ये झाला, परंतु त्यानंतर हळूहळू संपूर्ण जगभरात फेंग शुईचा प्रसार झाला. ज्याप्रमाणे वास्तुशास्त्र हे नकारात्मक ऊर्जा आणि सकारात्मक ऊर्जा अशा दोन मुख्य घटकांवर कार्य करते, त्याचप्रमाणे फेंग शुई देखील याच दोन प्रमुख घटकांवर कार्य करते. फेंग शुईमध्ये काही वस्तू अत्यंत शुभ मानल्या गेल्या आहेत. या वस्तू जर तुमच्या घरात असतील, तर सर्व प्रकारच्या वाईट शक्तींपासून तुमच्या घराचे संरक्षण होईल, तसेच तुमच्या घरात सदैव सकारात्मक ऊर्जेचा प्रवाह सुरू राहील आणि पैशांसंबंधीच्या अडचणीही दूर होतील, असे फेंग शुईमध्ये म्हटले आहे.
दिवाळीपूर्वी घरी आणाव्यात अशा पाच वस्तू
कासव — फेंग शुईमध्ये कासवाला अत्यंत शुभ मानले गेले आहे. ज्या घरात कासवाची मूर्ती आहे, त्या घरात कधीही नकारात्मक ऊर्जा प्रवेश करत नाही, असे फेंग शुईमध्ये सांगण्यात आले आहे. त्यामुळे घरात नेहमी कासवाची एक तरी मूर्ती असावी, असा सल्ला फेंग शुईमध्ये देण्यात आला आहे.
तीन पायांचा बेडूक — फेंग शुईमध्ये तीन पायाच्या बेडकाला देखील अत्यंत शुभ मानले गेले आहे. ज्या घरात पैसा टिकत नाही, खूप कष्ट करून देखील यश मिळत नाही, अशा घरामध्ये एक तरी तीन पायाची बेडकाची मूर्ती असावी, असे फेंग शुईमध्ये म्हटले आहे.
हत्तीची मूर्ती — फेंग शुईमध्ये हत्तीच्या मूर्तीलाही अत्यंत शुभ मानले गेले आहे. फेंग शुईनुसार ज्या घरात हत्तीची मूर्ती असते, त्या घरात कधीही नकारात्मक ऊर्जा प्रवेश करत नाही. अशा घरात कधीही पैशांची कमी नसते, असे सांगितले जाते.
हॅप्पी मॅन — फेंग शुईमध्ये हॅप्पी मॅनलाही अत्यंत शुभ मानले गेले आहे. हॅप्पी मॅनमुळे घरातील वातावरण सकारात्मक राहण्यास मदत होते.
शिंपले — फेंग शुईमध्ये शिंपल्यांनाही शुभ मानले गेले आहे. तुम्ही घरात शिंपले आणून पाण्यात ठेवू शकता. यामुळे घरातील वातावरण प्रसन्न राहण्यास मदत होते, असे फेंग शुईमध्ये सांगितले जाते.
दिवाळी हा प्रकाशाचा आणि नवीन सुरुवातीचा सण मानला जातो. त्यामुळे दिवाळीपूर्वी घरात या वस्तू आणण्याचा सल्ला फेंग शुईमध्ये देण्यात आला आहे. या वस्तूंबद्दलची ही माहिती फेंग शुईच्या मान्यतांवर आधारित आहे.
स्रोत: मूळ बातमी
Leave a Reply