गीतरामायणाला यंदा ७१ वर्षे पूर्ण झाली आहेत. या निमित्ताने नाशिकमध्ये विविध वयोगटातील ७१ गायकांच्या स्वरांतून सुरेल गीतरामायणाची अनुभूती श्रोत्यांना मिळाली. देवीगीतांनी प्रारंभ झालेल्या या कार्यक्रमात रामायणातील अनेक प्रसिद्ध गीते सादर झाली आणि वातावरण प्रसन्न झाले.
रामायणातील प्रसिद्ध गीतांचे सादरीकरण
स्वये श्री रामप्रभू ऐकती, शरयू तीरावरी अयोध्या, दशरथा घे हे पायसदान, सावळा ग रामचंद्र, स्वयंवर झाले सीतेचे आणि गा बाळांनो श्री रामायण या गीतांसह इतर अनेक रचना गायकांनी सादर केल्या. गदिमा यांनी लिहिलेल्या आणि बाबुजी अर्थात सुधीर फडके यांनी संगीतबद्ध केलेल्या गीतरामायणाला ७१ वर्षे पूर्ण झाल्याच्या निमित्ताने या कार्यक्रमाचे तिसरे पुष्प गुंफले गेले.
कोजागरी पौर्णिमा आणि दीपोत्सवाचे स्वागत
श्री गजानन महाराज चॅरिटेबल ट्रस्टतर्फे नुकत्याच झालेल्या कोजागरी पौर्णिमेनिमित्त आणि येणाऱ्या दीपोत्सवाच्या स्वागतासाठी या गीतरामायण कार्यक्रमाचे आयोजन करण्यात आले होते. प्रारंभी ट्रस्टचे अध्यक्ष संभाजी मोरुस्कर यांनी उपस्थितांचे स्वागत केले. नाशिक रोड येथील मोटवाणी रोडवरील श्री गजानन महाराज मंदिरात हा कार्यक्रम झाला.
गायक नंदकुमार देशपांडे यांच्या सरगम म्युझिक अकादमीच्या ७१ विद्यार्थ्यांनी या कार्यक्रमात सहभाग घेतला. तालवाद्य आणि स्वरसाथ अमित गुरव यांनी, तर तबल्यावर शशिकांत बाबरेकर यांनी साथसंगत केली. संजय किल्लेदार यांनी निवेदन केले.
स्रोत: मूळ बातमी
Leave a Reply