आज अभिनेत्री ऐश्वर्या राय हिचा वाढदिवस आहे आणि याच निमित्ताने बॉलिवूडमधील तिच्या जुन्या वादांची पुन्हा चर्चा रंगली आहे. बॉलिवूडमध्ये काही असे सेलिब्रिटी आहेत, ज्यांचा चेहरा ऐश्वर्या पाहणार नाही, असे सांगितले जाते. त्यामध्ये तिचा माजी प्रियकर सलमान खान आणि अभिनेत्री राणी मुखर्जी यांच्याशिवाय अन्य लोकप्रिय सेलिब्रिटींचाही समावेश असल्याचे म्हटले जाते. सलमान खान आणि ऐश्वर्या यांच्याबद्दल तर सर्वांना माहितीच आहे; इतर सेलिब्रिटींबद्दल जाणून घेऊया.
करीना कपूर आणि विवेक ओबेरॉय
ऐश्वर्या राय बच्चन आणि अभिनेत्री करीना कपूर खान यांच्यात चांगले संबंध नसल्याचे सांगितले जाते. एका पुरस्कार सोहळ्यात करीनाने ऐश्वर्याच्या हातातून मायक्रोफोन हिसकावून घेतल्याचा व्हिडीओ व्हायरल झाला होता. तसेच त्यांच्यात सुरू असलेले शीतयुद्ध करीनानेच सुरू केले होते, असेही म्हटले जाते.
बॉलिवूड अभिनेता विवेक ओबेरॉय आणि ऐश्वर्या यांच्यातील नाते एकेकाळी चर्चेत होते. सलमानसोबत ब्रेकअप झाल्यानंतर ऐश्वर्या विवेकला डेट करू लागली होती. मात्र, विवेक ओबेरॉयने सलमान खानबद्दल माध्यमांना दिलेल्या वादग्रस्त विधानांमुळे हे नाते संपुष्टात आले, असे सांगितले जाते.
राणी मुखर्जी, सुष्मिता सेन आणि सोनम कपूर
राणी मुखर्जी आणि ऐश्वर्या एकमेकांच्या चांगल्या मैत्रिणी होत्या आणि अनेक कार्यक्रमांत त्या एकत्रही दिसत असत. पण सलमान आणि ऐश्वर्याच्या वादानंतर ‘चलते चलते’ सिनेमात ऐश्वर्याला हटवून राणीला घेण्यात आले होते. राणीने ही गोष्ट ऐश्वर्यापासून लपवून ठेवल्यामुळे ती दुखावली गेली आणि तेव्हापासून ऐश्वर्याने राणीशी बोलणे बंद केले, असे सांगितले जाते.
ऐश्वर्या आणि सुष्मिता सेन यांच्यात ‘मिस इंडिया १९९४’पासूनच दुरावा आल्याचे म्हटले जाते. मिस इंडिया १९९४ सुष्मिता सेन जिंकली आणि ऐश्वर्याने तिच्यासोबत बोलायचे बंद केले, असे सांगितले जाते. सोनम कपूर एकदा माध्यमांसमोर ऐश्वर्या रायला ‘आंटी’ म्हणाली होती. त्यामुळे ऐश्वर्या खूप नाराज झाली होती. त्यावेळी सोनम आणि ऐश्वर्या एका ब्रँडसाठी काम करत होत्या, पण या वक्तव्यामुळे दोघींच्या नात्यात दुरावा निर्माण झाला होता, असे सांगितले जाते.
स्रोत: मूळ बातमी
Leave a Reply