पाऱ्यापासून शुद्ध आणि अस्सल सोनं तयार करणं आता शक्य होणार असल्याचा दावा एका अमेरिकन स्टार्टअप कंपनीने केला आहे. अमेरिकेतील सॅन फ्रान्सिस्को येथील मॅरेथॉन फ्युजन या कंपनीने हा दावा केल्यानंतर जगभरातील सराफ बाजारात आणि वैज्ञानिक वर्तुळात मोठी चर्चा सुरू झाली आहे.
सामान्य रासायनिक प्रक्रियेत एका धातूचं दुसऱ्या धातूत रूपांतर करणं शक्य नसतं. मात्र या कंपनीने अणुविज्ञानाचा आधार घेत पाऱ्यापासून सोनं कसं तयार करता येईल, याचा मार्ग शोधल्याचं सांगितलं जात आहे.
पारा ते सोनं: नेमकं काय घडतं?
पाऱ्याच्या अणूमध्ये 80 प्रोटॉन असतात, तर सोन्याच्या अणूमध्ये 79 प्रोटॉन असतात. पाऱ्यातील एक प्रोटॉन कमी केल्यास पाऱ्याचं रूपांतर सोन्यात होतं, असं या तंत्रज्ञानाचं सूत्र आहे. न्यूक्लियर फ्युजनच्या माध्यमातून ही प्रक्रिया साध्य करण्याचा कंपनीचा दावा आहे.
सोन्याच्या किमतीवर परिणाम होणार?
प्रयोगशाळेत सोनं तयार होऊ लागल्यास भविष्यात सोन्याच्या किमतीवर काय परिणाम होईल, याबाबतही चर्चा रंगली आहे. मात्र हे तंत्रज्ञान प्रत्यक्षात किती प्रमाणात आणि किती खर्चात सोनं तयार करू शकेल, याबाबत अजून स्पष्टता नाही. त्यामुळे सोनं खरंच स्वस्त होणार का, हा प्रश्न सध्या चर्चेच्या पातळीवरच आहे.
Leave a Reply