भारतीय तरुणांच्या मानसिकतेत मोठा बदल होत असल्याचे एका ताज्या सर्वेक्षणातून समोर आले आहे. नोकरीच्या मागे धावण्याऐवजी स्वतःचा व्यवसाय उभारण्याकडे तरुणांचा कल वाढतो आहे. आयआयटी मंडीने केलेल्या GUESSS India 2025 सर्व्हेनुसार भारतातील २२ टक्के विद्यार्थ्यांनी कॉलेजमध्ये शिकत असतानाच व्यवसाय सुरू केला आहे.
४३ टक्के विद्यार्थ्यांना स्टार्टअप हवे
सर्वेक्षणातील आणखी एक धक्कादायक निष्कर्ष म्हणजे ४३ टक्के विद्यार्थ्यांना स्वतःचा स्टार्टअप सुरू करायचा आहे. म्हणजेच जवळपास निम्म्या तरुण पिढीचे स्वप्न हे नोकरी मिळवणे नसून नोकऱ्या निर्माण करणे आहे. उद्योजकतेकडे होत असलेला हा कल भारतीय अर्थव्यवस्थेसाठी सकारात्मक संकेत मानला जात आहे.
बदलत्या काळाचे प्रतिबिंब
स्टार्टअप संस्कृती, डिजिटल अर्थव्यवस्था आणि तरुणांमधील आत्मविश्वास यामुळे हा बदल घडत असल्याचे तज्ज्ञांचे मत आहे. कॉलेजच्या दिवसांतच व्यवसायाची पायाभरणी करणाऱ्या विद्यार्थ्यांची संख्या वाढणे, हे नव्या भारताचे प्रतिबिंब असल्याचे बोलले जात आहे. आगामी काळात हा ट्रेंड आणखी बळकट होण्याची शक्यता वर्तवली जात आहे.
स्रोत: मूळ बातमी
Leave a Reply