अनेक तरुण-तरुणींना आयुष्यातून एकदा तरी एकट्याने फिरायची इच्छा असते. एकट्याने प्रवास केल्याचा अनुभव आयुष्यभर लक्षात राहतो. पण सोलो ट्रिपला जाण्याआधी सुंदर आणि सुरक्षित ठिकाणांची माहिती घेणे गरजेचे असते. अशा प्रवाशांसाठी देशात काही उत्तम ठिकाणे आहेत, जिथे शांतता, निसर्ग आणि वेगळा अनुभव मिळतो.
ऋषिकेश आणि हम्पी
सोलो ट्रिपसाठी हिमालयात फिरणे उत्तम ठरू शकते. गंगा नदीच्या काठावर वसलेल्या ऋषिकेशला जाता येते. ऋषिकेश हे लोकप्रिय ठिकाण असून तिथे आध्यात्मिक वातावरणात एकरूप होण्याची संधी मिळते. कर्नाटकातील हम्पीलाही जाता येते. हम्पीमध्ये प्राचीन मंदिरे, उंच खडक आणि नदीचे दृश्य पाहायला मिळते. या भागात सूर्योदयही पाहता येतो.
गोवा आणि वर्कला
गोवा हे फक्त नाईटलाईफसाठी नाही, तर सोलो ट्रॅव्हलसाठीही उत्तम आहे. गोव्यातील विविध समुद्रकिनाऱ्यांवर जाता येते. भाडेतत्त्वावर स्कूटर घेऊन फिरताही येते. केरळमधील वर्कला हे ठिकाणही सोलो प्रवासासाठी चांगले आहे. या भागात समुद्रकिनारा, कॅफे आणि सूर्यास्त पाहण्यासाठी गर्दी असते. या शहरात शांत वातावरणाचा अनुभव घेता येतो.
Leave a Reply