जुन्या काळातील गाजलेली गाणी नव्या रूपात सादर करण्याचा कल सध्या पुन्हा चर्चेत आला आहे. अशाच एका प्रसिद्ध गाण्याला नव्या अंदाजात सादर केलं जात असून, त्याची चर्चा सिनेरसिकांमध्ये रंगली आहे.
इमरान हाशमी यांच्या आगामी ‘गनमास्टर जी९’ चित्रपटाच्या टायटल ट्रॅकमध्ये तब्बल ४७ वर्षांपूर्वीचं एक लोकप्रिय गाणं ऐकायला मिळणार आहे. १९७९ मध्ये प्रदर्शित झालेल्या ‘सुरक्षा’ चित्रपटातील ‘मौसम है गाने का’ हे गाणं या ट्रॅकमध्ये नव्या तडक्यासह सादर करण्यात आलं आहे.
मिथुन चक्रवर्ती यांचं गाजलेलं गाणं
मूळ गाणं मिथुन चक्रवर्ती यांच्यावर चित्रित झालं होतं आणि त्याला बप्पी लहिरी यांनी संगीत दिलं होतं. त्या काळात हे गाणं प्रचंड लोकप्रिय झालं होतं. आता त्याच गाण्याला नव्या पिढीसमोर नव्या अंदाजात आणलं जात आहे.
जुन्या गाण्यांचा नवा ट्रेंड
गेल्या काही काळापासून जुन्या हिट गाण्यांना नव्याने सादर करण्याचा ट्रेंड वाढला आहे. प्रेक्षक जुन्या गाण्यांशी असलेली आपली आठवण जपत असतानाच, नव्या सादरीकरणामुळे ती गाणी नव्या प्रेक्षकांपर्यंतही पोहोचत आहेत. ‘गनमास्टर जी९’ च्या टायटल ट्रॅकमुळे हे गाणं पुन्हा एकदा चर्चेत आलं आहे.
Leave a Reply