प्रभादेवी रेल्वे स्थानकाच्या पश्चिमेकडील रेल्वेच्या जागेवरील १०१ अतिक्रमित बांधकामांवर होणारी कारवाई स्थगित करण्यात आली आहे. उपमुख्यमंत्री एकनाथ शिंदे यांनी केंद्रीय रेल्वेमंत्री अश्विनी वैष्णव यांच्याशी फोनवरून चर्चा केल्यानंतर हा निर्णय घेण्यात आला.
१०१ बांधकामांवरील कारवाई थांबली
प्रभादेवी स्थानकाच्या पश्चिम बाजूला रेल्वेच्या जागेवर असलेली १०१ अतिक्रमित बांधकामे हटवण्याची कारवाई होणार होती. या कारवाईची तयारी सुरू असतानाच उपमुख्यमंत्री एकनाथ शिंदे यांनी थेट केंद्रीय रेल्वेमंत्री अश्विनी वैष्णव यांच्याशी फोनवरून संवाद साधला. त्यानंतर ही कारवाई स्थगित करण्यात आली.
पुनर्वसनाचे कायमस्वरूपी धोरण तयार होणार
कारवाई स्थगित करताना पुनर्वसनाचे कायमस्वरूपी धोरण तयार करण्याची माहिती एकनाथ शिंदे यांनी दिली. अतिक्रमण हटवण्याऐवजी तेथे राहणाऱ्या लोकांच्या पुनर्वसनासाठी कायमस्वरूपी उपाय शोधला जाणार आहे. त्यामुळे तात्पुरत्या कारवाईऐवजी दीर्घकालीन तोडगा काढण्यावर भर दिला जाणार असल्याचे समोर आले आहे.
Leave a Reply