अजित पवार यांच्या हेलिकॉप्टर अपघातावरून संशय व्यक्त करणारे रोहित पवार पुन्हा एकदा आक्रमक झाले आहेत. या प्रकरणावरून त्यांनी केलेल्या वक्तव्यांमुळे राजकीय वर्तुळात चर्चा सुरू आहे. भाजप नेत्यांनी त्यांच्या नार्को टेस्टची मागणी केली होती.
‘आजच्या आज माझी नार्को टेस्ट करा’
या मागणीला प्रत्युत्तर देताना रोहित पवार यांनी थेट आव्हान दिलं आहे. ‘आजच्या आज माझी नार्को टेस्ट करा, पण त्यांचीही करा’, असं त्यांनी म्हटलं आहे. त्यांनी एक्स या समाजमाध्यमावर पोस्ट करून हे आव्हान दिलं असून त्यांची ही पोस्ट चर्चेत आली आहे.
राजकीय वातावरण तापलं
रोहित पवार यांच्या या आव्हानामुळे राज्यातील राजकीय वातावरण पुन्हा तापलं आहे. हेलिकॉप्टर अपघातावरून व्यक्त केलेल्या संशयावरून सुरू झालेला वाद आता नार्को टेस्टच्या मागणीपर्यंत पोहोचला आहे. या प्रकरणावर पुढे काय घडतं, याकडे सर्वांचं लक्ष लागलं आहे.
Leave a Reply