महाराष्ट्र एपस्टीन फाईल्स या मराठी चित्रपटाच्या नावावरून सध्या मोठा वाद निर्माण झाला आहे. या चित्रपटाचे नाव महाराष्ट्राच्या प्रतिमेला आणि येथील बारा कोटी जनतेच्या सन्मानाला धक्का पोहोचवणारे असल्याचा दावा करत औरंगाबाद खंडपीठात याचिका दाखल करण्यात आली आहे. चित्रपटाचे नाव बदलेपर्यंत त्याच्या प्रदर्शनाला स्थगिती देण्यात यावी, अशी मागणी याचिकाकर्त्यांनी केली आहे.
कोर्टाने बजावली नोटीस
याचिकेची सुनावणी करताना न्यायमूर्ती किशोर संत आणि न्यायमूर्ती जितेंद्र जैन यांच्या खंडपीठाने प्रतिवादींना नोटीस बजावली आहे. या नोटिशीवर चार आठवड्यांत उत्तर देण्याचे निर्देश कोर्टाने दिले आहेत.
प्रदर्शन पुढे ढकलले
हा चित्रपट २० नोव्हेंबर रोजी प्रदर्शित होणार होता. परंतु या कायदेशीर प्रकरणामुळे निर्मात्यांनी काही अपरिहार्य कारणांमुळे चित्रपटाचे प्रदर्शन पुढे ढकलल्याची माहिती दिली आहे. चित्रपटाचे निर्माते सचिन रोडे पाटील यांनी लवकरच नवीन प्रदर्शन तारीख जाहीर केली जाईल, असे सांगितले आहे.
Leave a Reply