कोल्हापूरकरांचा नाद करायचा नाही, असे वारंवार म्हटले जाते आणि त्याचा प्रत्यय पुन्हा एकदा आला आहे. कोल्हापुरातील नागरिकांनी आपल्या वाहनांसाठी फॅन्सी नंबर प्लेट मिळवण्यासाठी एक दोन नव्हे, तर तब्बल १९ कोटी रुपये मोजले आहेत. २०२६ मध्ये कोल्हापूर जिल्ह्यातील १८ हजार ६०० नागरिकांनी आपल्या वाहनांसाठी आकर्षक आणि पसंतीचे फॅन्सी नंबर घेतले आहेत.
राज्यात सर्वाधिक आकडा कोल्हापुरात
फॅन्सी नंबर प्लेटसाठी खर्च केलेला हा आकडा राज्यात सर्वाधिक असल्याचे सांगण्यात येत आहे. आपल्या दारात उभ्या असलेल्या वाहनांवर जीवापाड प्रेम करणाऱ्या कोल्हापूरकरांनी पसंतीचा क्रमांक मिळवण्यासाठी मोठी रक्कम खर्च केली आहे. हौसेला मोल नसते, असे म्हणतात आणि कोल्हापूरकरांची हौस ही जगावेगळी असल्याचे या आकडेवारीतून दिसून येते.
पसंतीच्या क्रमांकासाठी मोठी स्पर्धा
वाहनाचा क्रमांक आपल्या पसंतीचा असावा, यासाठी अनेक वाहनधारक विशेष प्रयत्न करतात. काहींना आपल्या वाढदिवसाची तारीख, तर काहींना शुभ मानला जाणारा क्रमांक हवा असतो. कोल्हापुरात २०२६ मध्ये फॅन्सी नंबरसाठी झालेला १९ कोटी रुपयांचा खर्च हा तेथील नागरिकांच्या वाहनांबद्दलच्या प्रेमाचे आणि हौसेचे द्योतक ठरला आहे.
Leave a Reply