आत्मचरित्रातून समोर आलेली आवड
सोनिया गांधी यांचे आत्मचरित्र ‘बिलॉन्गिंग: अ जर्नी ऑफ लव्ह’ प्रकाशित झाल्यानंतर गांधी कुटुंबातील अनेक खास गोष्टी चर्चेत आल्या आहेत. या आत्मचरित्राच्या निमित्ताने सोनिया गांधी यांनी आपल्या आवडत्या भारतीय पदार्थांबद्दलही सांगितले आहे. त्यांना कबाब, चिकन टिक्का, तंदुरी चिकन, दाल मखणी, काश्मिरी कोफ्ता आणि हाख हे पदार्थ आवडतात.
प्रियांका गांधी वाड्रा यांनी शेअर केलेल्या एका संवादात सोनिया गांधी यांनी सांगितले की, गांधी कुटुंबीयांना ‘अरहर’ म्हणजेच तूर डाळ आणि भात विशेष आवडतो. तूर डाळीचे वरण आणि भात हा त्यांच्या घरातील आवडता पदार्थ असल्याचे या संवादातून समोर आले आहे.
घराघरांतला रोजचा पदार्थ
केवळ गांधी कुटुंबच नाही, तर संपूर्ण भारतातील घराघरांत वरण-भात किंवा तूर डाळीचे वरण हा रोजच्या जेवणाचा मुख्य पदार्थ आहे. हा पदार्थ स्वस्त असून सहज उपलब्ध होतो आणि रोजच्या जेवणात त्याला महत्त्वाचे स्थान आहे.
तूर डाळ आणि भात खाल्ल्याने वजन कमी होण्यास मदत होते आणि हाडे मजबूत होतात, असे सांगितले जाते. याशिवाय हृदयाचे आरोग्य, पचन आणि पोषण यासाठीही या पदार्थाचे फायदे असल्याचे सांगितले जाते. त्यामुळे रोजच्या जेवणातील हा साधा पदार्थ आरोग्यासाठीही उपयुक्त मानला जातो.
Leave a Reply