केंद्रीय कर्मचारी भविष्य निर्वाह निधी संघटनेच्या कोट्यवधी सदस्यांना लवकरच एक मोठी भेट मिळण्याची शक्यता आहे. निवृत्तीनंतर पीएफची संपूर्ण रक्कम एकाच वेळी मिळण्याऐवजी ती दरमहा काढण्याचा पर्याय मिळू शकतो. यासाठी ईपीएफओकडून SWAP योजना आणली जाण्याची चर्चा आहे.
SWAP योजना म्हणजे काय?
सध्या निवृत्तीनंतर पीएफची रक्कम एकरकमी मिळते. मात्र नव्या पर्यायानुसार सदस्यांना ही रक्कम दरमहा किंवा टप्प्याटप्प्याने काढता येईल. त्यामुळे निवृत्तीनंतर दरमहा नियमित उत्पन्न मिळण्याचा मार्ग मोकळा होऊ शकतो.
निवृत्तीधारकांना काय फायदा होणार?
एकाच वेळी मोठी रक्कम मिळण्याऐवजी दरमहा पैसे मिळाल्यास निवृत्तीनंतरचे नियोजन सोपे होईल. मासिक खर्च भागवण्यासाठी नियमित उत्पन्नाचा आधार मिळेल. त्यामुळे अनेक निवृत्तीधारकांसाठी ही योजना दिलासादायक ठरू शकते.
Leave a Reply