मुंबईच्या भेंडी बाजार परिसरातील पाकमोडिया इस्टेटमध्ये असलेल्या मुसाफिरखाना इमारतीकडे आज सगळ्यांचे लक्ष लागले आहे. या इमारतीवर महापालिकेचा हातोडा चालणार का, याबाबत उत्सुकता आहे.
या इमारतीशी अंडरवर्ल्ड डॉन दाऊद इब्राहिमच्या जुन्या घराचा संबंध असल्याचे सांगितले जाते. दाऊदचे वडील इब्राहिम कासकर यांचे हे घर असल्याने या कारवाईला विशेष महत्त्व प्राप्त झाले आहे.
इमारत धोकादायक श्रेणीत
मुसाफिरखाना इमारत अत्यंत जीर्ण अवस्थेत आहे. तिच्या भिंती आणि छत कोसळण्याचा धोका निर्माण झाला आहे. त्यामुळे या इमारतीला सी-वन श्रेणीतील धोकादायक इमारत म्हणून घोषित करण्यात आले आहे. या पार्श्वभूमीवर महापालिकेच्या पुढील पावलाकडे सर्वांचे लक्ष लागले आहे.
उच्च न्यायालयाची ताशेरे
दरम्यान, मुंबई उच्च न्यायालयाने महापालिकेला फटकारले आहे. व्हीआयपी दौऱ्यावेळीच रस्ते चकाचक का होतात, असा संतप्त सवाल न्यायालयाने केला आहे. सामान्य मुंबईकरांसाठी रस्ते दररोज स्वच्छ का नसतात, अशी विचारणा न्यायालयाने केली. इच्छा असेल तर क्षणात परिस्थिती बदलू शकते, असे सांगत केवळ दोन दिवसांचा देखावा न करता कायमस्वरूपी सुधारणा करण्याचे निर्देश न्यायालयाने दिले आहेत.
याशिवाय अभिनेता आयुष्मान खुराना, टायगर श्रॉफ यांच्यासह बॉलिवूड सेलिब्रिटींना एक्स-कॅटेगरी सुरक्षा मिळण्याची शक्यता आहे. तृतीयपंथी व्यक्ती आणि त्यांच्या कुटुंबीयांचा आयुष्मान भारत प्रधानमंत्री जन आरोग्य योजनेत समावेश करण्याच्या प्रस्तावाला दिल्ली मंत्रिमंडळाने मंजुरी दिली आहे.
Leave a Reply