राज्यातील शासकीय औद्योगिक प्रशिक्षण संस्थांमधील प्रशिक्षणार्थींना गेल्या दीड वर्षांपासून दरमहा ५०० रुपयांचे विद्यावेतन मिळालेले नाही. प्रशासकीय दिरंगाईमुळे हे विद्यावेतन रखडले असून त्याचा फटका विद्यार्थ्यांना बसत आहे. ग्रामीण व आदिवासी भागातील विद्यार्थ्यांची दिवाळी यंदा अंधारात गेली.
बसपास आणि प्रवासाचा प्रश्न
विद्यावेतन न मिळाल्याने विद्यार्थ्यांसमोर बसपास आणि प्रवास खर्चाचा गंभीर प्रश्न निर्माण झाला आहे. दरमहा मिळणाऱ्या ५०० रुपयांच्या विद्यावेतनावर अनेक विद्यार्थ्यांचा प्रवास खर्च अवलंबून असतो. ही रक्कम थांबल्याने त्यांच्या दैनंदिन प्रवासावर परिणाम झाला आहे.
आयटीआय शिक्षणाला गळतीची भीती
प्रशासनाच्या या कारभारामुळे आयटीआय शिक्षणाला गळती लागण्याची शक्यता वर्तवण्यात येत आहे. विद्यावेतन वेळेवर न मिळाल्याने अनेक विद्यार्थी प्रशिक्षण अर्धवट सोडण्याची भीती व्यक्त होत आहे.
Leave a Reply