मंगळवार, १७ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

दहा वर्षे झाली, उड्डाणपूल होईना; म्हसावदमध्ये वाहतूक कोंडी

जळगाव तालुक्यातील म्हसावद येथे उड्डाणपुलाचे काम दहा वर्षांपासून रखडले आहे. अवजड वाहने गावातून जात असल्याने मुख्य चौफुलीवर दररोज मोठी वाहतूक कोंडी होत आहे.

दहा वर्षे झाली, उड्डाणपूल होईना; म्हसावदमध्ये वाहतूक कोंडी

जळगाव तालुक्यातील म्हसावद येथे गेल्या दहा वर्षांपासून उड्डाणपुलाचे काम रखडलेले आहे. त्यामुळे वाहतुकीची समस्या दिवसेंदिवस गंभीर बनत चालली आहे. म्हसावद-बोरनार रस्त्याचे सिमेंट काँक्रीटीकरण सुरू असल्याने अवजड वाहने गावातूनच मार्गक्रमण करत आहेत. परिणामी म्हसावदच्या मुख्य चौफुलीवर दररोज मोठ्या प्रमाणात वाहतूक कोंडी होत असून, वाहनधारक, प्रवासी आणि स्थानिक नागरिकांना मोठ्या त्रासाला सामोरे जावे लागत आहे. चौफुली परिसरात दिवसेंदिवस अतिक्रमण वाढत असल्याने ही समस्या अधिकच गंभीर बनली आहे.

एसटी बससेवाही विस्कळीत

रस्त्यावरील अतिक्रमण आणि अरुंद झालेल्या मार्गामुळे अवजड वाहनांसह एसटी बसेसना मार्ग काढणे कठीण होत आहे. याचा थेट परिणाम सार्वजनिक वाहतूक व्यवस्थेवर होत असून, एरंडोल आगाराच्या बसेस अतिक्रमण आणि काहींकडून होणाऱ्या अडवणुकीमुळे बंद झाल्याची परिस्थिती निर्माण झाल्याचे सांगितले जात आहे. दिवाळीच्या सणासुदीच्या काळात प्रवाशांची मोठी गर्दी असताना एसटी बससेवा विस्कळीत झाल्याने ग्रामीण भागातील नागरिक, विद्यार्थी, महिला आणि ज्येष्ठ नागरिकांचे विशेष हाल होत आहेत. सध्या ग्रामीण भागात जळगाव-कुरंगी ही एकमेव बस ये-जा करत असल्याने प्रवाशांना पर्यायी वाहतुकीवर अवलंबून राहावे लागत आहे.

प्रशासनाने लक्ष देण्याची गरज

म्हसावद हे पंचक्रोशीतील मोठे आणि महत्त्वाचे गाव आहे. येथे कृषी उत्पन्न बाजार समिती, एमआयडीसीअंतर्गत म्हसावद पोलीस ठाणे, प्राथमिक आरोग्य केंद्र, स्टेट बँक ऑफ इंडिया, महाराष्ट्र ग्रामीण बँक तसेच जळगाव जिल्हा मध्यवर्ती सहकारी बँकेची शाखा अशी महत्त्वाची प्रशासकीय व आर्थिक कार्यालये आहेत. याठिकाणी दररोज परिसरातील अनेक गावांमधून नागरिकांची ये-जा सुरू असते. असे असतानाही वाहतूक कोंडी, अतिक्रमण आणि एसटी बससेवेच्या समस्यांमुळे नागरिकांना त्रास सहन करावा लागत आहे. रखडलेले उड्डाणपुलाचे काम मार्गी लावणे, रस्त्याचे काम नियोजनबद्ध पद्धतीने पूर्ण करणे, चौफुलीवरील अतिक्रमण हटविणे आणि बससेवा पूर्ववत करणे गरजेचे आहे, अशी मागणी नागरिकांकडून होत आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance