मुंबईकरांचे टेन्शन वाढवणारी बातमी आहे. मुंबईला पाणीपुरवठा करणाऱ्या सातही धरणांमधील पाणीसाठ्यात मोठी घट झाली आहे. या धरणांमध्ये आता सुमारे ७९ टक्के पाणीसाठा शिल्लक राहिला आहे. १५ नोव्हेंबर २०२६ रोजी हा साठा ७९.७ टक्के इतका नोंदवला गेला आहे.
गेल्या वर्षीच्या तुलनेत मोठी घट
गेल्या वर्षी याच कालावधीत धरणांमध्ये ९१.९९ टक्के पाणीसाठा होता. त्यामुळे यंदा सुमारे १३ टक्क्यांनी पाणीसाठा कमी झाल्याचे चित्र पाहायला मिळत आहे. १५ नोव्हेंबर २०२४ रोजी धरणांमधील पाणीसाठा ८८.५३ टक्के होता. म्हणजेच गेल्या दोन वर्षांच्या तुलनेत यंदाचा साठा लक्षणीयरीत्या कमी आहे.
पाणीकपातीची टांगती तलवार
धरणातील पाणीसाठ्यात घट होत असल्यामुळे मुंबईकरांवर पाणीकपातीची टांगती तलवार आहे. आधीच पालिकेकडून १० टक्के पाणीकपात करण्यात आली आहे. जर धरणातील पाणीसाठ्यात आणखी घट होत गेली तर पाणीकपात आणखी वाढवली जाईल, अशी शक्यता आहे. त्यामुळे पालिकेने मुंबईकरांना पाणी जपून वापरण्याचे आवाहन केले आहे.
पाणीसाठा कमी होत असल्याने पुढील काळात पाणीपुरवठ्यावर परिणाम होऊ शकतो. त्यामुळे नागरिकांनी पाण्याचा काटकसरीने वापर करणे गरजेचे आहे.
Leave a Reply