राज्यातील दुष्काळग्रस्त तालुक्यांच्या यादीत आणखी १८ तालुक्यांचा समावेश होण्याची शक्यता आहे. या पार्श्वभूमीवर मंत्रिमंडळाच्या दुष्काळ निवारण उपसमितीची बैठक आज दुपारी दोन वाजता होणार आहे.
ही बैठक मंत्री बावनकुळे यांच्या अध्यक्षतेखाली होणार असून, त्यात चारा आणि पाणीटंचाईचा आढावा घेतला जाणार आहे.
१८ तालुक्यांचा अहवाल सादर होणार
संबंधित १८ तालुक्यांमधील वस्तुस्थितीचा अहवाल बैठकीत सादर केला जाणार आहे. या अहवालाच्या आधारे त्या तालुक्यांना दुष्काळग्रस्त घोषित करण्याबाबत निर्णय होण्याची शक्यता आहे.
बैठकीच्या निर्णयाकडे लक्ष
या बैठकीत कोणता निर्णय होतो, याकडे दुष्काळाच्या छायेत असलेल्या भागातील शेतकरी आणि नागरिकांचे लक्ष लागले आहे. चारा आणि पाण्याची टंचाई दूर करण्यासाठी कोणती पावले उचलली जातात, हे बैठकीनंतर स्पष्ट होईल.
Leave a Reply