भारत-पाकिस्तान सामन्यात आर्यवीर सेहवागने पाकिस्तानची सळो की पळो अशी अवस्था केली. या दमदार कामगिरीनंतर त्याने दिलेल्या मुलाखतीची सध्या जोरदार चर्चा सुरू आहे. वडील वीरेंद्र सेहवाग यांच्याबद्दल त्याने मुलाखतीत केलेल्या विधानाने सर्वांचे लक्ष वेधले आहे.
‘सेहवाग २.०’ म्हणून ओळख नको
आर्यवीरने मुलाखतीत सांगितले की त्याला कधीच वडिलांसारखं बनायचं नाहीये. त्याला ‘सेहवाग २.०’ म्हणून ओळखले जाणेही आवडत नसल्याचे समोर आले आहे. वडिलांची छाया आणि त्यांच्याशी होणारी तुलना यापासून दूर राहून स्वतःची वेगळी ओळख निर्माण करण्याची त्याची इच्छा असल्याचे त्याच्या बोलण्यातून दिसून आले.
चर्चेत असलेली मुलाखत
पाकिस्तानविरुद्धच्या सामन्यानंतर आर्यवीरच्या या मुलाखतीवर क्रिकेट वर्तुळात आणि चाहत्यांमध्ये चर्चा रंगली आहे. तरुण खेळाडू म्हणून स्वतःच्या नावाने ओळख निर्माण करण्याच्या त्याच्या भूमिकेचे अनेकांनी कौतुक केले आहे.
Leave a Reply