राष्ट्रवादीचे आमदार प्रकाश सोळंके राजकारणातून निवृत्त होणार

राष्ट्रवादी काँग्रेसचे आमदार प्रकाश सोळंके यांनी सक्रिय राजकारणातून निवृत्तीची घोषणा केली आहे. माजलगाव येथील विकासकामांच्या भूमिपूजन कार्यक्रमात त्यांनी ही घोषणा केली. आगामी विधानसभा निवडणूक लढवणार नसल्याचे त्यांनी स्पष्ट केले आहे.

वारसदाराचीही घोषणा

निवृत्तीची घोषणा करताना सोळंके यांनी आपला वारसदार कोण असेल याचीही घोषणा केली आहे. त्यांनी पुतण्याला वारसदार म्हणून जाहीर केले आहे.

विलीनीकरणाच्या चर्चेच्या पार्श्वभूमीवर निर्णय

गेल्या काही दिवसांपासून दोन्ही राष्ट्रवादी म्हणजेच शरद पवार गट आणि अजित पवार गट एकत्र येणार असल्याची चर्चा जोर धरत होती. मात्र सुप्रिया सुळे यांनी या सर्व चर्चा फेटाळून लावल्या आहेत. दुसरीकडे विलीनीकरणावरून दोन्ही गटातील आमदार नाराज असल्याची चर्चा सुरू होती. त्याचदरम्यान सोळंके यांनी निवृत्तीचा मोठा निर्णय घेतला आहे.