राज्यात ऑक्टोबर 2024 मध्ये झालेल्या विधानसभा निवडणुकांपूर्वी पुण्यात एकगठ्ठा मतदारांचे पत्ते परस्पर बदलण्यात आल्याचा अत्यंत गंभीर प्रकार उजेडात आला आहे. कोणत्याही प्रकारचे स्थलांतर न केलेले असताना, भलत्याच व्यक्तींनी मतदारांच्या नावाने बोगस अर्ज भरल्याचे समोर आले आहे.
या प्रकरणी आता राज्य निवडणूक अधिकाऱ्यांच्या कार्यालयाने चौकशीचे आदेश दिले असून, थेट गुन्हा दाखल करण्यात आल्याने राजकीय वर्तुळात एकच खळबळ उडाली आहे.
## तक्रार कधी आणि कोणी केली?
9 नोव्हेंबर 2025 रोजी शरद पवारांच्या राष्ट्रवादीचे नेते अजित गव्हाणे यांनी भोसरी मतदारसंघात मतदारांचे पत्ते परस्पर बदलल्याची तक्रार निवडणूक अधिकाऱ्यांकडे केली होती. मतदारांनी स्थलांतर केलेले नसतानाही त्यांच्या नावाने अर्ज भरून पत्ते बदलण्यात आल्याचा आरोप तक्रारीत करण्यात आला आहे.
## बोगस अर्जांचा आरोप
मतदारांच्या माहितीनुसार, त्यांनी कोणताही अर्ज भरलेला नव्हता, तरीही त्यांचे पत्ते बदलले गेले. या प्रकरणात बोगस अर्ज भरण्यात आल्याचा आरोप होत आहे. आता या संपूर्ण प्रकरणाची चौकशी सुरू झाली असून गुन्हा दाखल झाल्याने पुढील तपासाकडे सर्वांचे लक्ष लागले आहे.
## राजकीय वर्तुळात खळबळ
या प्रकरणामुळे राजकीय वर्तुळात खळबळ उडाली आहे. मतदारयादीतील या घोळाबाबत चौकशीत नेमके काय समोर येते, याकडे सर्वांचे लक्ष आहे. निवडणूक प्रक्रियेतील पारदर्शकतेवरही या प्रकरणामुळे प्रश्नचिन्ह निर्माण झाले आहे.
Leave a Reply