स्केटिंग असोसिएशन ऑफ महाराष्ट्र यांच्या वतीने विरार येथे झालेल्या ३६ व्या महाराष्ट्र रोलर स्केटिंग चॅम्पियनशिप स्पर्धेत नाशिकच्या परमानंद स्पोर्ट्स अकॅडमीच्या खेळाडूंनी सोनेरी यश संपादन केले. अकॅडमीच्या सहा खेळाडूंनी या स्पर्धेत सुवर्णपदके जिंकली.
सुवर्णपदक विजेत्या खेळाडूंमध्ये अर्णव अत्तरदे, अरुही मूर्ती, रितेश दरंदळे, आराध्या शर्मा, पप्पूराम सारण आणि शिवांश श्रावगे यांचा समावेश आहे.
यातील अर्णव अत्तरदे, अरुही मूर्ती, रितेश दरंदळे आणि आराध्या शर्मा या चार खेळाडूंची राष्ट्रीय स्पर्धेसाठी निवड झाली आहे. रोलर स्केटिंग फेडरेशन ऑफ इंडिया यांच्या वतीने ही राष्ट्रीय स्पर्धा ५ डिसेंबर ते १५ डिसेंबर २०२६ या कालावधीत बेंगलोर, कर्नाटक येथे होणार आहे.
हे सर्व खेळाडू परमानंद स्पोर्ट्स अकॅडमी, कर्मयोगी नगर, उंटवाडी येथील राष्ट्रीय दर्जाच्या पॅराबोलिक स्केटिंग ट्रॅकवर नियमित सराव करतात. अकॅडमीचे संचालक योगेश कोठावळे, अपर्णा कोठावळे तसेच प्रशिक्षक गोपीनाथ मुंढे आणि अविनाश होगले यांचे या खेळाडूंना मार्गदर्शन लाभले.
फोटो गॅलरी
Leave a Reply