हिवाळ्यात त्वचेची विशेष काळजी घ्यावी लागते. या ऋतूत हवेतील आर्द्रता कमी झाल्यामुळे त्वचा निस्तेज, रखरखीत आणि कोरडी पडते. बाजारात मिळणारे कितीही महागडे मॉइश्चरायझर किंवा लोशन लावले, तरी काही तासांतच त्वचा पुन्हा कोरडी पडते.
अशा वेळी घरगुती उपाय उपयोगी पडू शकतात. अंघोळीपूर्वी तेलाने मालिश करणे आणि मध व खोबरेल तेलाचा लेप लावणे यांसारखे उपाय त्वचेला नैसर्गिक ओलावा देण्यास मदत करतात.
अंघोळीपूर्वी तेलाने मालिश करा
हिवाळ्यात त्वचा वारंवार कोरडी पडत असेल तर खोबरेल तेल किंवा मोहरीचे तेल फायदेशीर ठरते. अंघोळ करण्यापूर्वी अर्धा तास आधी शरीराला खोबरेल तेल किंवा मोहरीच्या तेलाने हलक्या हाताने मालिश करावी.
मध आणि खोबरेल तेलाचा लेप
मध आणि खोबरेल तेलाचा लेप हा आणखी एक घरगुती उपाय आहे. हा लेप त्वचेवर लावल्याने त्वचेला ओलावा मिळण्यास मदत होते, असे सांगितले जाते. हिवाळ्यात त्वचेची काळजी घेताना असे साधे घरगुती उपाय नियमितपणे केल्यास कोरडेपणा कमी होण्यास मदत होऊ शकते.
Leave a Reply